૬ કિમી પીછો કરીને પોલીસે ટ્રેનમાં છીનવાયેલો મોબાઇલ પરત અપાવ્યો મેલબર્નમાં ભણતા ગુજરાતી યુવકનો iPhone ગણતરીના કલાકોમાં જ ટ્રેસ, આરોપી હાઇવે પર ઝડપાયો.

રેલવેમાં મોબાઇલ ચોરીની ઘટનાઓ વચ્ચે આસનગાંવ ગવર્નમેન્ટ રેલવે પોલીસ (GRP)એ ઝડપ, ટેક્નોલોજી અને ટીમવર્કનું ઉત્તમ ઉદાહરણ પૂરું પાડ્યું છે. મેલબર્નમાં અભ્યાસ કરતા ૧૯ વર્ષીય ગુજરાતી વિદ્યાર્થી તરુણ સોમૈયાનો મોબાઇલ ચાલતી લોકલ ટ્રેનમાં છીનવાઈ ગયો હતો, પરંતુ પોલીસે ટેક્નિકલ ટ્રેકિંગ અને મેદાની કાર્યવાહી દ્વારા માત્ર થોડા કલાકોમાં જ આરોપીને પકડીને મોબાઇલ પરત અપાવ્યો.

આ સમગ્ર ઓપરેશન દરમિયાન પોલીસએ આશરે ૬ કિલોમીટર સુધી પીછો કરીને આરોપીને મુંબઈ–આગરા હાઇવે પર ઝડપી પાડ્યો હતો.

ટ્રેનમાં મોબાઇલ છીનવાઈ ગયો

મૂળ નાશિકનો અને હાલ ઑસ્ટ્રેલિયાના RMIT Universityમાં એન્જિનિયરિંગના બીજા વર્ષમાં અભ્યાસ કરતા તરુણ સોમૈયા રજાઓમાં મુંબઈ આવ્યા હતા. સોમવારે તેમને ઑસ્ટ્રેલિયા પરત જવાનું હતું.

તેઓ કસારા રેલવે સ્ટેશનથી ઘાટકોપર જવા માટે લોકલ ટ્રેનમાં મુસાફરી કરી રહ્યા હતા ત્યારે ઉંબરમાળી નજીક એક અજાણ્યા શખ્સે તેમના હાથમાંથી iPhone 17 Pro ઝપટ મારીને ચાલતી ટ્રેનમાંથી કૂદીને ફરાર થઈ ગયો.

આકસ્મિક બનેલી ઘટનાથી તરુણ ગભરાઈ ગયા હતા. તેમણે તરત જ ઇમર્જન્સી ચેઇન ખેંચીને ટ્રેન રોકાવી અને આરોપીનો પીછો કરવાનો પ્રયાસ કર્યો, પરંતુ આરોપી ઝડપથી નજરમાંથી ઓઝલ થઈ ગયો.

તરત જ પોલીસને જાણ

ઘટના બાદ તરુણે તરત જ આસનગાંવ GRPમાં ફરિયાદ નોંધાવી. પોલીસએ કેસની ગંભીરતા સમજતા જ તરત જ કાર્યવાહી શરૂ કરી.

તરुणના મિત્રના ફોન દ્વારા ‘Find My Phone’ ઍપથી મોબાઇલનું લોકેશન ટ્રેસ કરવામાં આવ્યું. લોકેશન મુજબ મોબાઇલ મુંબઈ–આગરા હાઇવે તરફ જતો હોવાનું જણાયું.

ટેક્નિકલ ટ્રેકિંગ અને મેદાની ઓપરેશન

ટેકનિકલ ટીમે સતત લોકેશન અપડેટ આપતાં મેદાની ટીમે હાઇવે તરફ જતી શંકાસ્પદ ગાડી પર નજર રાખી.

પોલીસે એક આઇશર વાહન રોક્યું અને તેની તપાસ દરમિયાન આરોપી સલીમ તાંબોળીને ઝડપી પાડ્યો.

તેની અંગત તપાસ દરમિયાન તેના પેન્ટના ખિસ્સામાંથી ચોરાયેલો iPhone 17 Pro મળી આવ્યો.

૬ કિલોમીટરનો પીછો

પોલીસના જણાવ્યા મુજબ મોબાઇલનું લોકેશન બદલાતું રહેતાં ટીમે આશરે ૬ કિલોમીટર સુધી સતત પીછો કર્યો.

ટેકનિકલ ટ્રેકિંગ, મેદાની સંકલન અને ઝડપી પ્રતિસાદના કારણે ગણતરીના કલાકોમાં જ આરોપીને પકડી લેવાયો.

કાયદાકીય પ્રક્રિયા બાદ મોબાઇલ પરત

પકડાયેલા આરોપી વિરુદ્ધ કાયદેસરની કાર્યવાહી હાથ ધરવામાં આવી. જરૂરી પંચનામું અને અન્ય પ્રક્રિયા પૂર્ણ કર્યા બાદ મંગળવારે તરુણને તેમનો મોબાઇલ પરત આપવામાં આવ્યો.

મોબાઇલ પરત મળતાં તરુણ ખુબ જ ભાવુક થઈ ગયા અને પોલીસનો આભાર માન્યો.

ફ્લાઇટ ચૂકી ગયો, પણ પોલીસની કામગીરીથી ખુશ

આ ઘટનાના કારણે તરુણની સોમવારની ઑસ્ટ્રેલિયા જવાની ફ્લાઇટ ચૂકી ગઈ હતી.
તેમ છતાં તેમણે જણાવ્યું કે પોલીસની ઝડપી કામગીરીને કારણે તેમને મોબાઇલ પરત મળ્યો અને તેઓ મંગળવારે ઑસ્ટ્રેલિયા પરત જઈ શક્યા.

તરુણનો પ્રતિભાવ

તરুণે જણાવ્યું:
“મારો મોબાઇલ છીનવાયો ત્યારે હું ખૂબ ગભરાઈ ગયો હતો. પણ પોલીસએ જે ઝડપથી કામ કર્યું તે વખાણવા લાયક છે. ટેક્નોલોજી અને મેદાની ટીમના સંકલનથી થોડા કલાકોમાં જ મોબાઇલ મળી ગયો.”