જામનગર મહાનગરપાલિકાના સ્લમ શાખા દ્વારા માનનીય કમિશનર શ્રી ડી. એન. મોદી સાહેબના માર્ગદર્શન હેઠળ તા. 4 જુલાઈ, 2025ના રોજ સવારે 9 વાગ્યાથી સાંજના 8 વાગ્યા સુધી જાહેર હરરાજીનું ભવ્ય આયોજન કરવામાં આવ્યું હતું. આ જાહેર હરરાજીમાં શહેરના વિવિધ વિસ્તારોની કુલ 44 દુકાનોનું વેચાણ કરવામાં આવ્યું, જેના થકી JMC ને રૂ. 6 કરોડ 25 લાખ 28 હજારની આવક થાય તેવો અંદાજ છે.
✔️ 70થી વધુ લોકોએ જાહેર હરરાજીમાં ભાગ લીધો
જામનગરના નાગરિકો, ઉદ્યોગકારો અને વ્યવસાયિકોએ મોટી સંખ્યામાં હાજરી આપી આ જાહેર હરરાજી પ્રવૃત્તિમાં ઉત્સાહભેર ભાગ લીધો હતો. લગભગ 70 કરતાં વધુ લોકોએ રસ દાખવતા જીવો જનક સ્પર્ધા જોવા મળી હતી.
📍 કયા વિસ્તારોની દુકાનોનું વેચાણ થયું?
-
બેડી આવાસમાં 3 દુકાનો
-
એમ.પી. શાહ ઉદ્યોગનગર આવાસમાં 1 દુકાન
-
ગોલ્ડન સિટી પાસેના 544 આવાસમાં
-
ગ્રાઉન્ડ ફ્લોર (GF) માં 23 દુકાનો
-
ફર્સ્ટ ફ્લોર (FF) માં 17 દુકાનો
-
આ રીતે કુલ 44 દુકાનોનું સફળ જાહેર વેચાણ કરવામાં આવ્યું.
💰 JMC ને મળવાની છે બે મહિનામાં રૂ. 6.25 કરોડથી વધુની આવક
આ તમામ દુકાનોના વેચાણથી મહાનગરપાલિકાને આગામી બે મહિનાની અંદર રૂ. 6,25,28,000ની આવક થવાની છે, જે સ્થાનિક વિકાસખર્ચ, સ્લમ અપગ્રેડેશન અને પબ્લિક ફેસિલિટીઝ માટે મહત્વપૂર્ણ પુરવાર થશે.
👥 ઉચ્ચ અધિકારીઓની ઉપસ્થિતિ
આ જાહેર હરરાજી દરમિયાન અનેક વરિષ્ઠ અધિકારીઓ ઉપસ્થિત રહ્યા, જેમ કે:
-
નાયબ કમિશનર શ્રી ડી.એ. ઝાલા
-
આસિસ્ટન્ટ કમિશનર શ્રી બી.એન. જાની
-
કાર્યપાલક ઈજનેર શ્રી હિતેશભાઈ પાઠક
તેમજ સમગ્ર હરરાજીનું આયોજન અને સંચાલન સ્લમ શાખાના નાયબ ઈજનેર શ્રી અશોક જોશી અને તેમની ટીમ દ્વારા રીતે કરવામાં આવ્યું.
👏 સ્લમ અપગ્રેડેશન સમિતિ અને સભ્યોની હાજરી
-
સ્લમ અપગ્રેડેશન સમિતિના ચેરમેન શ્રી જયેન્દ્રસિંહ ઝાલા
-
મ્યુનિસિપલ સભ્ય અને ટેન્ડર સમિતિના પ્રતિનિધિ શ્રી કિશનભાઈ માડમ
તેમણે હરરાજી સ્થળની મુલાકાત લઈને સમગ્ર ટીમનું મનોબળ વધાર્યું હતું અને કામગીરીની પ્રશંસા પણ કરી હતી.
🔜 બાકી રહેલી દુકાનો માટે પણ ટૂંક સમયમાં જાહેર હરરાજી
મહાનગરપાલિકાએ વધુમાં જણાવ્યું છે કે હજુ બાકી રહેલી દુકાનોની પણ ટૂંક સમયમાં જાહેર હરરાજી યોજવામાં આવશે, જેથી મહાનગરપાલિકાને વધુ આવક પ્રાપ્ત થાય અને નગર વિકાસકાર્યોને વધુ વેગ મળે.
જામનગર મહાનગરપાલિકા દ્વારા સંચાલિત આ જાહેર હરરાજી માત્ર આવક માટે જ નહીં, પરંતુ સ્લમ વિસ્તારોના સર્વાંગી વિકાસ માટે મહત્વપૂર્ણ પગલું બની રહ્યું છે.
