GDP ગ્રોથ-રેટ ૮.૨ ટકાની દોઢ વર્ષની ટોચે, સોમવારે બજાર નવી ટોચે જશે સેન્સેક્સ-નિફ્ટી સાંકડી વધ-ઘટે અથડાઈ નામ કે વાસ્તે નરમ : બાયબૅક માટે બોર્ડ-મીટિંગમાં નેક્ટર લાઇફ ૨૦ ટકાની ઉપલી સર્કિટે બંધ : નોએડાની એક્સાટો ટેક્નૉલૉજીઝનો શૅરદીઠ ૧૪૦ના ભાવનો SME IPO પ્રથમ દિવસે જ બાવન ગણો છલકાતાં પ્રીમિયમ ઊછળીને ૧૨૫ રૂપિયા : તાતા મોટ કી હાઇલાઇટ્સ તાતા મોટર્સ નવા બેસ્ટ લેવલ સાથે તાતા મોટર્સ પૅસેન્જરથી આગળ નીકળી જવાની તૈયારીમાં અદાણી એન્ટરપ્રાઇઝ પાંચ દિવસની નરમાઈ બાદ એક ટકો સુધરી ન્સમિશન ટૅરિફનું રિવિઝન ગેઇલને નડ્યું સાઉથ કોરિયાની દોઢ ટકાની નરમાઈ બાદ કરતાં શુક્રવારે એશિયન બજાર સાંકડી વધઘટે મિશ્ર વલણમાં જોવાયાં છે. યુરોપ પણ રનિંગમાં નેગેટિવ બાયસ સાથે ફ્લૅટ દેખાયું છે. પાકિસ્તાનમાં ભૂતપૂર્વ વડા પ્રધાન ઇમરાન ખાનની હત્યા થઈ હોવાની અફવા જોરમાં છે. હકીકત શું છે એ હજી ખબર પડી નથી, પરંતુ ત્યાંનું શૅરબજાર મજબૂત વલણમાં ગઈ કાલે રનિંગમાં ઉપરમાં ૧.૬૭ લાખ વટાવી ૧૪૯૬ પૉઇન્ટની આગેકૂચમાં ૧,૬૬,૮૨૦ ચાલતું હતું. તાજેતરની ખુવારી બાદ બિટકૉઇન ૯૦,૦૦૦ની અંદર-બહાર થઈ રહ્યો છે. રેટ રનિંગમાં ૯૧,૫૪૭ ડૉલરે લગભગ ફ્લૅટ હતો. બ્રૅન્ટક્રૂડ ૨૦૨૬માં ૫૦ ડૉલર થઈ જવાના વરતારા વચ્ચે ૬૩.૫૦ જૉલરે યથાવત છે ફેડરેટમાં ઘટાડો લગભગ નક્કી મનાય છે. કોમેક્સ ગોલ્ડ અડધો ટકો વધી ૪૨૨૧ ડૉલર તો હાજર સોનું નહીંવત્ સુધારે ૪૧૬૬ ડૉલર બતાવતું હતું. ચાંદી સ્ટ્રૉન્ગ બની રહી છે. કૉમેક્સ સિલ્વર બે ટકા વધીને ૫૪.૭૦ ડૉલર નજીક પહોંચી છે. પૂરા ૧૪ મહિના બાદ ગુરુવારે નવી ઑલટાઇમ હાઈ બનાવવામાં સફળ નીવડેલું શૅરબજાર વળતા દિવસે સાધારણ પ્લસમાં ખૂલી નામપૂરતી નરમાઈમાં બંધ થયું છે. સેન્સેક્સ આગલા બંધથી ૭૧ પૉઇન્ટ ઉપર ૮૫,૭૯૧ ખૂલી ૧૪ પૉઇન્ટની પીછેહઠમાં ૮૫,૭૦૭ બંધ થયો છે. નિફ્ટી ૧૩ પૉઇન્ટના ઘટાડે ૨૬,૨૦૩ રહ્યો છે. દિવસ દરમ્યાન વધઘટની રેન્જ માંડ ૪૦૦ પૉઇન્ટ હતી. શૅરઆંક ઉપરમાં ૮૫,૯૭૦ થયા બાદ ઘસાતો રહી નીચામાં ૮૫,૫૭૮ થયો હતો. રસાકસીવાળી માર્કેટ બ્રેડ્થમાં NSE ખાતે વધેલા ૧૫૨૯ શૅરની સામે ૧૫૫૬ જાતો ઘટી છે. માર્કેટકૅપ ૪૦૦૦ કરોડ રૂપિયા વધી ૪૭૪.૩૭ લાખ કરોડ રૂપિયા રહ્યું છે. બહુમતી સેક્ટોરલ માઇનસ હતાં. ઑઇલ-ગૅસ ઇન્ડેક્સ એક ટકા, એનર્જી ૦.૬ ટકા, પાવર અડધો ટકો, ટેલિકૉમ એક ટકા નજીક ડાઉન હતો. ઑટો ઇન્ડેક્સ સર્વાધિક અડધો ટકો સુધર્યો છે. બૅન્ક નિફ્ટી નવી વિક્રમી સપાટી બનાવી પૉઝિટિવ બાયસમાં ફ્લૅટ હતો. બજાર બંધ થયા પછી સાંજે આવનારા સપ્ટેમ્બર ક્વૉર્ટરના GDPના આંકડા ઉપર સૌની નજર હતી. ગ્રોથ સારો આવવાની બહુમતી ધારણા છે.
ડિસેમ્બરમાં રિઝર્વ બૅન્ક રેપો-રેટ ઘટાડશે એ પણ હવે વ્યાપક ધારણા બની ગઈ છે. રશિયન સુપ્રીમો પુતિન આગામી સપ્તાહે ભારત આવી રહ્યા છે. ટ્રમ્પની ધમકી વચ્ચે ભારત-રશિયા વચ્ચે નવાં સમીકરણ કેવાં ગોઠવાય છે એ જોવું રહ્યું. વેલસ્પન લિવિંગ ૨૭ ગણા કામકાજે સવાબાર ટકાના ઉછાળે ૧૪૯ બંધ આપી એ-ગ્રુપમાં ઝળકી છે. ફોસ મોટર્સ સવાત્રણ ટકા કે ૫૬૩ની તેજીમાં ૧૭,૭૯૯ વટાવી ગઈ છે. નેક્ટર લાઇફ સાયન્સમાં શૅરના બાયબૅક માટે ૩ ડિસેમ્બરે બોર્ડમીટિંગની નોટિસ વાગતાં ભાવ ૨૦ ગણા કામકાજે ૨૦ ટકાની ઉપલી સર્કિટમાં ૧૭ રૂપિયા બંધ થયો છે, પીસી જ્વેલર્સ દોઢા વૉલ્યુમે એક ટકો ઘટી ૯.૮૮ના વર્ષના તળિયે બંધ થઈ છે. ટ્રાન્સફૉર્મર્સ ઍન્ડ રેકિટ ફાયર્સ વૉલ્યુમ સાથે ૨૭૦ની ઐતિહાસિક બૉટમ બનાવી સવાચાર ટકા તૂટી ૨૭૧ હતી.
૮ જાન્યુઆરએ ભાવ ૬૫૦ના શિખરે હતો. વીકલી ધોરણે સેન્સેક્સ ૪૭૫ પૉઇન્ટ કે અડધો ટકો તથા નિફ્ટી ૧૩૫ પૉઇન્ટ કે અડધો ટકો પ્લસ થયા છે. રિલાયન્સ અને અદાણી પોર્ટ્સમાં ૧૬ મહિનાની નવી ટૉપ બની જેફરીઝ તરફથી રિલાયન્સમાં ૧૭૮૦ની ટાર્ગેટ-પ્રાઇસ વધારી ૧૭૮૫ કરાઈ છે. (આ કયા પ્રકારનું રિસર્ચ કહેવાય?) જેમાં શૅર ગઈ કાલે ૧૫૮૧ની ૧૬ મહિનાના ટૉપ બનાવીને નહીંવત્ સુધરી ૧૫૬૭ બંધ થયો છે. ૨૫,૦૦૦ કરોડ નજીકના મેગા રાઇટના ભારમાં સતત પાંચ દિવસથી ઘટતી અદાણી એન્ટરપ્રાઇઝ ઉપરમાં ૨૩૩૧ થઈ ૧.૧ ટકા વધીને નિફ્ટી ખાતે ૨૨૮૦ બંધ રહી છે. એનો RE ઉપરમાં ૪૯૪ થઈ સવાચાર ટકા વધીને ૪૪૩ હતો. સેન્સેક્સ ખાતે મહિન્દ્ર બે ટકા વધી ૩૭૫૮ રહી છે. અદાણી પોર્ટ્સ ૧૫૩૪ની ૧૬ મહિનાની નવી ઊંચી સપાટી હાંસલ કરી અડધો ટકો વધીને ૧૫૧૭ થયો છે. કોટક બૅન્ક પોણો ટકો વધી ૨૧૨૬ હતી. શ્રીરામ ફાઇનૅન્સ ૮૭૨ની નવી સર્વોચ્ચ સપાટી દેખાડી બે ટકાની પીછેહઠમાં ૮૫૦ થયો છે. SBI લાઇફ બે ટકા તથા HDFC લાઇફ પોણાબે ટકા નરમ હતા. સ્ટેટ બૅન્ક પોણો ટકો વધીને ૯૭૯ રહી છે. તાતા મોટર્સ પૅસેન્જર સુસ્ત વલણમાં નીચામાં ૩૫૫ થઈ સાધારણ ઘટાડે ૩૫૭ રહી છે. જ્યારે તાતા મોટર્સ એટલે કે તાતા મોટર્સ કમર્શિયલ બહેતર આઉટલૂકમાં ૩૬૦ નજીક નવી ઑલટાઇમ હાઈ બતાવી અઢી ટકાની આગેકૂચમાં ૩૫૨ થઈ છે. મતલબ કે મૂળ તાતા મોટર્સના મુકાબલે નવી તાતા મોટર્સ ડિમાન્ડમાં છે. આજ ટ્રેન્ડ જળવાયો તો તાતા મોટર્સ પૅસેન્જર કરતાં ભાવ અને વૅલ્યુએશનની રીતે ટૂંકમાં આગળ નીકળી જશે. પાવર ગ્રીડ ૧.૪ ટકા ઘટીને સેન્સેક્સમાં ઘટાડામાં મોખરે હતી. તાતા કન્ઝ્યુમર અડધો ટકો ઘટીને ૧૧૭૦ થઈ છે. સનફાર્મા સવા ટકાની આગેકૂચમાં ૧૮૩૧ બંધ આવી છે.
એટર્નલ તથા ભારતી ઍરટેલ પોણા ટકા આસપાસ ડાઉન હતી. ઍક્સિસ બૅન્ક અડધો ટકો ઘટીને ૧૨૨૦ રહી છે. ટેક મહિન્દ્રાઅડધો ટકો પ્લસ તો ઇન્ફી અડધા ટકા નજીક નરમ થઈ છે. TCS લગભગ ફ્લૅટ હતી. દરમ્યાન બંધ બજારે સપ્ટેમ્બર ક્વૉર્ટરમાં GDP ગ્રોથ-રેટ ૮.૨ ટકા જાહેર થયો છે. જે ૬ ક્વૉર્ટરની ઊંચી સપાટી છે. વિશ્લેષકોની ધારણા ૭.૩ ટકા ગ્રોથ-રેટની હતી. આર્થિક વિકાસ દરના આંકડા બજારને બેશક નવા શિખરે લઈ જશે. વન ટાઇમ સેટલમેન્ટને NCLTની મંજૂરી, ૬૩ મૂન્સનો શૅર જોરમાં સતત બે દિવસ નવી ઑલટાઇમ હાઈ સાથે ૧૦,૪૨૧ના શિખરે બંધ રહેલી MCX ગઈ કાલે ઉપરમાં ૧૦,૪૫૪ નજીક જઈને હેવી પ્રૉફિટ-બુકિંગમાં દોઢા વૉલ્યુમે નીચામાં ૯૯૫૫ થઈ સવા ત્રણ ટકા કે ૩૪૪ રૂપિયા ગગડી ૧૦,૦૭૭ બંધ રહી છે. અનિલ અંબાણીની રિલાયન્સ ઇન્ફ્રા સતત બે ઉપલી સર્કિટ બાદ શુક્રવારે ૧૭૫ની ઇન્ટ્રા-ડે હાઈ બાદ ૩ ટકા વધી ૧૭૨ હતી. રિલાયન્સ પાવર પોણો ટકો ઘટી છે. પટેલ એન્જિનિયરિંગ વૉલ્યુમ સાથે આગલા દિવસના તગડા જમ્પ પછી ગઈ કાલે ૪.૪ ટકા ઘટી ૩૬ બંધ હતી. યથાર્થ હૉસ્પિટલ બ્લૉકડીલ પાછળ ૨૩ ગણા કામકાજે નીચામાં ૬૯૭ બતાવી સવાઆઠ ટકા ખરડાઈ ૭૦૭ રહી છે. હીરો મોટોકૉર્પ ઐતિહાસિક ટૉપની આગેકૂચમાં ૬૨૩૮ વટાવી પોણો ટકો સુધરી ૬૧૯૪ હતી. અશોક લેલૅન્ડ આગલા દિવસે ઉછાળા સાથે ઑલટાઇમ હાઈ થયા બાદ થાકોડાના મૂડમાં એક ટકાની નરમાઈમાં ૧૫૮ રહી છે. થાઇરોકૅર ટેક્નૉલૉજીઝ એક શૅરદીઠ બે બોનસમાં એક્સ બોનસ થતાં ઉપરમાં ૫૧૮ નજીક જઈ એક ટકો વધીને ૪૯૫ હતી. પેટ્રોલિયમ ઍન્ડ નૅચરલ ગૅસ રેગ્યુલેટરી બોર્ડ તરફથી ટ્રાન્સમિશન ટૅરિફના રિવિઝનમાં ઓછો રેટ મંજૂર થતાં ગેઇલનો ભાવ ૪ ગણા વૉલ્યુમે ૧૭૨ની અંદર જઈ ૪.૨ ટકા ગગડી ૧૭૬ બંધ થયો છે.
જીએસપીએલ પણ ૨૪ ગણા કામકાજે બે ટકા ઘટીને ૨૮૮ હતી. ગોલ્ડમૅન સાક્સ તરફથી ૧૫૭૦ની ટાર્ગેટ પ્રાઇસથી બાયનો કૉલ જારી થતાં પેટીએમ સવાયા કામકાજે ૧૩૩૯ નજીક જઈ સવા બે ટકાની મજબૂતીમાં ૧૩૨૧ થઈ છે. નૅશનલ કંપની લો ટ્રિબ્યુનલ (એનક્લેટ) તરફથી NSELના મામલે વન ટાઇમ સેટલમેન્ટ સ્કીમને મંજૂરી મળતાં ૬૩ મૂન્સ ટેક્નૉલૉજીઝનો શૅર ૮૩ ગણા જંગી વૉલ્યુમમાં ૨૦ ટકાની તેજીની સર્કિટમાં ૯૩૮ વટાવી છેવટે ૧૬ ટકા ઊછળી ૯૦૭ બંધ થયો છે. યુરેકા ફૉર્બ્સમાં બ્રોકરેજ હાઉસિસ દ્વારા ૭૨૫થી ૮૩૦ની રેન્જમાં નવી ટાર્ગેટ પ્રાઇસથી બુલિશ વ્યુ જારી થતાં શૅર ૬૬૮ની વિક્રમી સપાટી નોંધાવી ૭.૪ ટકાના જમ્પમાં ૬૫૨ બંધ આવ્યો છે. બરોડાની સુદીપ ફાર્મામાં ૩૦.૫ ટકાનો લિસ્ટિંગ ગેઇન ગઈ કાલે જે ૩ SME ઇશ્યુ ખૂલ્યા છે એમાં પર્પલ વેવ ઇન્ફોકૉમનો ૧૦ના શૅરદીઠ ૧૨૬ની અપર બૅન્ડ સાથે ૩૧૪૫ લાખનો ઇશ્યુ કુલ ૬૨ ટકા ભરાયો છે. લૉજિશ્યલ સૉલ્યુશન્સનો ૧૦ના શૅરદીઠ ૧૯૩ની અપરબૅન્ડ સાથે ૩૯૯૦ લાખનો IPO કુલ એક ગણો તથા એક્સાટો ટેક્નૉલૉજીઝનો ૧૦ના શૅરદીઠ ૧૪૦ના ભાવનો ૩૭૪૫ લાખનો ઇશ્યુ કુલ બાલન ગણો ભરાયો છે. ગ્રેમાર્કેટ ખાતે હાલમાં લૉજિશ્યલમાં ૧૫ રૂપિયા તથા એક્સાટોમાં ૧૨૫નું પ્રીમિયમ બોલાય છે. ગઈ કાલે બે SME ભરણાં પૂરાં થયાં છે. એમાંથી મુંબઈના લોઅર પરેલની કે. કે. સિલ્ક મિલ્સનો ૧૦ના શૅરદીઠ ૩૮ના ભાવનો ૨૮૫૦ લાખનો BSE SME IPO રીટેલમાં ૯.૬ ગણા સહિત કુલ ૫.૭ ગણો ભરાયો છે.
જ્યારે મધર ન્યુટ્રી ફૂડ્સનો ૧૦ના શૅરદીઠ ૧૧૭ના ભાવનો ૩૯૫૯ લાખનો ઇશ્યુ રીટેલમાં ૧૧ ગણા સહિત કુલ ૧૬ ગણા પ્રતિસાદમાં પૂરો થયો છે. ગ્રેમાર્કેટમાં કામકાજ નથી. બરોડાની સુદીપ ફાર્મા એકના શૅરદીઠ ૫૯૩ની ઇશ્યુ પ્રાઇસ તથા ગ્રેમાર્કેટ ખાતે ૯૩થી શરૂ થઈ ઉપરમાં ૧૩૦ તથા નીચામાં ૮૬ થયા બાદ છેલ્લે બોલાતા ૧૨૧ના પ્રીમિયમ સામે ગઈ કાલે ૭૩૪ નજીક ખૂલી ઉપરમાં ૭૯૬ અને નીચામાં ૭૨૬ બતાવી ૭૭૪ બંધ થતાં એમાં ૩૦.૫ ટકા કે શૅરદીઠ ૧૮૧ રૂપિયાનો લિસ્ટિંગ ગેઇન મળ્યો છે. તાજેતરમાં લિસ્ટેડ થયેલી એક્સેલસૉફટ ટેક્નૉલૉજીઝ ૧૧૭ની વર્સ્ટ બૉટમ બનાવી ૪ ટકા તૂટી ૧૨૦ હતી. કેપિલરી ટેક્નો ૪.૭ ટકા તૂટી ૬૪૫, ફિઝિક્સવાલા ૧.૪ ટકા ઘટી ૧૨૫, ગૅલાર્ડ સ્ટીલ પાંચ ટકા ગગડી ૨૩૪ બંધ રહી છે. સોમવારે એકસાથે પાંચ SME ભરણાં, એમાંથી મુંબઈના ૩ IPO હાલની તારીખે આગામી સપ્તાહે ૮ SME ભરણાં નક્કી છે, મેઇન બોર્ડમાં ૭ ભરણાં છે. ૮માંથી ૫ ઇશ્યુ સોમવારે ખૂલવાનાં છે. રાજકોટના ગોંડલ ખાતેની ઇન્સ્ટન્ટ નૂડલ્સ બનાવતી એસ્ટ્રોન મલ્ટિગ્રેઇન ૧૦ના શૅરદીઠ ૬૩ના ભાવથી ૧૮૪૦ લાખનો BSE SME ઇશ્યુ કરશે. કંપનીએ ગયા વર્ષે ૨૮ ટકાના વધારામાં ૩૩૯૨ લાખની આવક પર ૧૬ ટકા વૃદ્ધિદરથી ૨૩૧ લાખ નફો કર્યો છે. ઑક્ટોબર સુધીના ૭ મહિનામાં ચાલુ વર્ષે આવક ૨૩૫૮ લાખ અને નફો ૨૧૧ લાખ થયો છે. ગ્રેમાર્કેટમાં પ્રીમિયમ નથી. મુંબઈની ઇન્વિક્ટ ડાયગ્નોસ્ટિક ૧૦ના શૅરદીઠ ૮૫ની અપરબૅન્ડમાં ૨૮૧૨ લાખનો NSE SME IPO સોમવારે કશે. ૨૦૨૧માં સ્થપાયેલી આ કંપનીએ ગયા વર્ષે ૯૦ ટકા વધારામાં ૩૦૧૮ લાખની આવક ઉપર ૩૦ ટકા વૃદ્ધિદ્દરથી ૪૯૩ લાખ નફો કર્યો છે. ચાલુ વર્ષે ૬ મહિનામાં ૧૭૦૮ લાખ રૂપિયાની આવક કરી છે. ચાલુ વર્ષે ૬ મહિનામાં આવક ૧૭૦૮ લાખ અને નફો ૪૦૮ લાખ બતાવ્યો છે. પ્રીમિયમ નથી.
મહારાષ્ટ્રના પનવેલ ખાતેની સ્પેબ એધેસિવ્સ ૧૦ના શૅરદીઠ ૫૬ની અપરબૅન્ડમાં ૬૫૫ લાખની ઑફર ફોર સેલ સહિત કુલ ૩૩૭૩ લાખનો NSE SME IPO સોમવારે કરશે. ગયા વર્ષે પાંચ ટકા વધારામાં ૪૫૫૪ લાખની આવક ઉપર ૧૯ ટકા વધારામાં ૫૮૯ લાખ નફો કરનારી આ કંપનીએ ચાલુ વર્ષે પ્રથમ ૬ મહિનામાં ૨૫૦૪ લાખની આવક અને ૩૬૫ લાખ નફો મેળવ્યો છે. પ્રીમિયમ નથી. મુંબઈના સાયન ખાતેની ક્લિયર સિક્યૉર્ડ સર્વિસિસ ૧૦ના શૅરદીઠ ૧૩૨ની અપરબૅન્ડમાં ૮૫૬૦ લાખનો NSE SME ઇશ્યુ સોમવારે લાવશે. કંપનીએ ગયા વર્ષે ૩૮ ટકા વધારામાં ૪૮૩ કરોડ આવક ઉપર ૧૮ ટકા વધારામાં ૯૯૨ લાખ નફો કર્યો છે. ચાલુ વર્ષે પ્રથમ પાંચ મહિનામાં આવક ૨૩૨ કરોડ છે. પ્રીમિયમ ૧૧ છે. મુંબઈના મલાડની રવેલકૅર લિમિટેડ ૧૦ના શૅરદીઠ ૧૩૦ના ભાવથી ૨૪૧૦ લાખનો BSE SME IPO સોમવારે કરશે. ગયા વર્ષે ૧૪ ટકા વધારામાં ૨૫૩૦ લાખ આવક ઉપર પાંચ ટકા વૃદ્ધિદરથી ૫૨૬ લાખ નફો કરનારી આ કંપનીએ ચાલુ વર્ષના પ્રથમ ૬ મહિનામાં ૧૪૪૪ લાખ આવક ઉપર ૩૨૦ લાખ નેટ નફો કર્યો છે. પ્રીમિયમ ૧૪ છે.
