જાહેરાત
તાજા સમાચાર
દિલજીત દોસાંઝના કોન્સર્ટને પોલીસની મંજૂરી! સુરક્ષામાં 1200થી વધુ પોલીસકર્મીઓ તૈનાત | ગુજરાતમાં ઠંડીનું જોર વધશે! લઘુતમ તાપમાનમાં 2થી 3 ડિગ્રીનો ઘટાડો | PUC સર્ટિફિકેટના નિયમોમાં મોટો ફેરફાર! | પાકિસ્તાનમાં ભયાનક અકસ્માત! બસ અને LPG ટેન્કરની ટક્કર બાદ આગ, 10નાં મોત અને 27 ઘાયલ | એશિયન ગેમ્સની બ્રોન્ઝ મેડલ વિજેતા કિરણ બાલિયાન પર 8 વર્ષનો પ્રતિબંધ! | બંગાળની ખાડીમાં ચક્રવાતી તોફાન 'અકવાન'નો ખતરો! 100 કિમીની ઝડપે ફૂંકાશે પવન | ગુજરાતમાં વાહનો પર જાતિસૂચક સ્ટીકર લગાવ્યા તો નહીં ચાલે! નવા નિયમથી પ્રતિબંધ | સોના-ચાંદીના ભાવમાં મોટો કડાકો | ગુજરાત પોલીસમાં 2,900થી વધુ જગ્યાઓ પર મેગા ભરતીની જાહેરાત! | અમદાવાદમાં અમિત શાહના હસ્તે ₹1,400 કરોડથી વધુના 30 વિકાસ પ્રકલ્પોનું લોકાર્પણ અને ખાતમુહૂર્ત: 9 હજારથી વધુ પરિવારોને મળશે પાકા મકાનો. |
પાછા મુખ્ય સમાચાર પર
મારું શહેર ૧૨૭ વાર જોવાયેલ • 4 મહિના પેહલા

મારું શહેર જામનગર જિલ્લા માહિતી કચેરીમાં સુશ્રી માનસી ધારવિયાનું ભાવભર્યું વિદાયમાન, પી.એસ.આઇ. તરીકે નિમણૂક બદલ પાઠવાઈ શુભેચ્છાઓ.

જામનગર જિલ્લા માહિતી કચેરીમાં સુશ્રી માનસી ધારવિયાનું ભાવભર્યું વિદાયમાન, પી.એસ.આઇ. તરીકે નિમણૂક બદલ પાઠવાઈ શુભેચ્છાઓ.

જામનગર જિલ્લા માહિતી કચેરી ખાતે સિનિયર ક્લાર્ક તરીકે ફરજ બજાવનાર સુશ્રી માનસીબેન ધારવિયાને પોલીસ સબ ઇન્સ્પેક્ટર (PSI) તરીકે નિમણૂક મળતા કચેરીના કર્મચારીઓ દ્વારા ભાવભર્યું વિદાયમાન આપવામાં આવ્યું હતું. જિલ્લા માહિતી કચેરી ખાતે યોજાયેલા આ કાર્યક્રમમાં અધિકારીઓ અને કર્મચારીઓએ તેમના કાર્યકાળને યાદ કરીને પ્રશંસા વ્યક્ત કરી હતી તેમજ તેમની નવી જવાબદારી માટે ઉજ્જવળ કારકિર્દીની શુભેચ્છાઓ પાઠવી હતી.

વિદાય સમારંભ દરમિયાન નાયબ માહિતી નિયામક શ્રી સોનલ જોષીપુરા, સહાયક નિયામક શ્રી એચ.પી. ગોજીયા, શ્રી વિરેન્દ્રસિંહ પરમાર, શ્રી ગજેન્દ્રસિંહ જાડેજા સહિત કચેરીના તમામ કર્મચારીઓ ઉપસ્થિત રહ્યા હતા. સૌએ માનસીબેન ધારવિયાની નિષ્ઠા, ફરજનિષ્ઠા અને કાર્યપ્રતિની સમર્પિત ભાવનાની પ્રશંસા કરી હતી. સાથે જ પોલીસ વિભાગમાં નવી જવાબદારી સફળતાપૂર્વક નિભાવે અને જાહેર સેવાના ક્ષેત્રમાં વધુ ઊંચી સિદ્ધિઓ હાંસલ કરે તેવી શુભેચ્છાઓ પાઠવી હતી.

આ પ્રસંગે વક્તાઓએ જણાવ્યું હતું કે કોઈપણ કર્મચારીની સફળતા સમગ્ર સંસ્થાના ગૌરવ સમાન હોય છે. સરકારી સેવામાં રહીને મહેનત અને લગનથી સ્પર્ધાત્મક પરીક્ષા પાસ કરીને પોલીસ સબ ઇન્સ્પેક્ટર જેવી જવાબદારી મેળવવી એ ગૌરવની બાબત છે. માનસીબેનની આ સિદ્ધિ અન્ય કર્મચારીઓ માટે પણ પ્રેરણારૂપ બનશે.

 

ઉલ્લેખનીય છે કે સુશ્રી માનસી ધારવિયાએ 17 ઓક્ટોબર, 2025થી 18 જુલાઈ, 2026 સુધી જામનગર જિલ્લા માહિતી કચેરીમાં સિનિયર ક્લાર્ક તરીકે પોતાની સેવાઓ આપી હતી. આ દરમિયાન તેમણે કચેરીની વિવિધ વહીવટી કામગીરીમાં મહત્વપૂર્ણ યોગદાન આપ્યું હતું અને પોતાની કાર્યકુશળતા તથા જવાબદારીપૂર્ણ કામગીરીથી સહકર્મચારીઓ અને અધિકારીઓનો વિશ્વાસ જીત્યો હતો.

તાજેતરમાં ગુજરાત પોલીસ ભરતી બોર્ડ દ્વારા યોજાયેલી પોલીસ સબ ઇન્સ્પેક્ટર (PSI) ભરતી પરીક્ષામાં સફળતા પ્રાપ્ત કર્યા બાદ તેમની પોલીસ સબ ઇન્સ્પેક્ટર તરીકે નિમણૂક કરવામાં આવી છે. નવી નિમણૂકને પગલે તેમને માહિતી ખાતાની ફરજોમાંથી વિધિવત રીતે મુક્ત કરવામાં આવ્યા હતા. આ સિદ્ધિ બદલ સમગ્ર જિલ્લા માહિતી કચેરી પરિવાર દ્વારા તેમને અભિનંદન પાઠવવામાં આવ્યા હતા.

વિદાય સમારંભ દરમિયાન માનસીબેન ધારવિયાએ પણ માહિતી વિભાગમાં મળેલા સહકાર બદલ તમામ અધિકારીઓ અને સહકર્મચારીઓનો આભાર વ્યક્ત કર્યો હતો. તેમણે જણાવ્યું કે માહિતી કચેરીમાં કાર્ય દરમિયાન મળેલા અનુભવો અને માર્ગદર્શન તેમની આગામી કારકિર્દીમાં ખૂબ ઉપયોગી સાબિત થશે. કાર્યક્રમનો અંત શુભેચ્છાઓ, સ્મૃતિચિહ્ન અર્પણ અને ઉજ્જવળ ભવિષ્ય માટેની શુભકામનાઓ સાથે થયો હતો.

આ સમાચાર શેર કરો:
સમય સંદેશ મેનુ