મારું શહેર માધવપુર ઘેડમાં જાહેરમાં જુગાર રમતી ચાર મહિલાઓ ઝડપાઈ, ₹5,250ની રોકડ અને ગંજીફાના પત્તા કબજે.
માધવપુર ઘેડ:
પોરબંદર જિલ્લાના માધવપુર ઘેડ ગામના વણકર વાસ વિસ્તારમાં જાહેરમાં જુગાર રમતી ચાર મહિલાઓને પોલીસે ઝડપી પાડી તેમની પાસેથી ₹5,250ની રોકડ રકમ તેમજ ગંજીફાના પત્તા કબજે કર્યા હતા.
મળતી માહિતી મુજબ, ડી સ્ટાફના હેડ કોન્સ્ટેબલ હરદાસભાઈ નાગાભાઈ, રામભાઈ અને ધર્મેશભાઈને ખાનગી બાતમી મળી હતી કે વણકર વાસ વિસ્તારમાં કેટલીક મહિલાઓ જાહેરમાં જુગાર રમી રહી છે. બાતમીના આધારે પોલીસ ટીમે સ્થળ પર દરોડો પાડી કાર્યવાહી હાથ ધરી હતી.
દરોડા દરમિયાન પોલીસે ચાર મહિલાઓને જાહેરમાં જુગાર રમતા રંગેહાથ ઝડપી પાડી હતી. તેમની પાસેથી ₹5,250ની રોકડ રકમ તેમજ જુગાર રમવામાં ઉપયોગમાં લેવાતા ગંજીફાના પત્તા કબજે કરવામાં આવ્યા હતા.
આ મામલે પોલીસે જુગારધારા (કલમ-12) હેઠળ ગુનો નોંધી ચારેય મહિલાઓ સામે કાયદેસરની કાર્યવાહી હાથ ધરી છે. સમગ્ર કાર્યવાહી બાદ પોલીસે કબજે કરાયેલ મુદ્દામાલ જપ્ત કરી વધુ તપાસ શરૂ કરી છે.
પોલીસે જણાવ્યું છે કે જિલ્લામાં જાહેરમાં જુગાર અને અન્ય ગેરકાયદે પ્રવૃત્તિઓ સામે સતત અભિયાન ચાલી રહ્યું છે અને આવી પ્રવૃત્તિઓમાં સંડોવાયેલા તત્વો સામે કડક કાર્યવાહી કરવામાં આવશે.
