અકસ્માત જામનગરમાં સિટી બસની અડફેટે વિકલાંગ વૃદ્ધ ઘવાયા
પ્રદર્શન ગ્રાઉન્ડ નજીક અકસ્માત, ત્રિચક્રી સાઇકલ સાથે ફંગોળાયા વૃદ્ધ
જામનગરમાં મહાનગરપાલિકા સંચાલિત સિટી બસની અડફેટે વિકલાંગ વૃદ્ધને અકસ્માત નડ્યો હોવાની ઘટના સામે આવી છે. પ્રદર્શન ગ્રાઉન્ડ નજીક બનેલી આ ઘટનામાં સિટી બસની ટક્કર વાગતાં વૃદ્ધ પોતાની ત્રિચક્રી સાઇકલ સાથે ફંગોળાઈ ગયા હતા.
પ્રાથમિક માહિ
તી મુજબ, વૃદ્ધ ત્રિચક્રી સાઇકલ પર જઈ રહ્યા હતા ત્યારે મહાનગરપાલિકા સંચાલિત સિટી બસના ચાલકે તેમને અડફેટે લેતા અકસ્માત સર્જાયો હતો. બસની ટક્કરથી વૃદ્ધ રોડ પર પટકાયા હતા અને તેમને ઈજાઓ પહોંચી હતી.
અકસ્મતમાં વૃદ્ધને ઈજા થતાં આસપાસના લોકો તાત્કાલિક મદદ માટે દોડી આવ્યા હતા. ઘટનાને પગલે સ્થળ પર થોડા સમય માટે અફરાતફરીનો માહોલ સર્જાયો હતો.
પ્રદર્શન ગ્રાઉન્ડ નજીક સિટી બસ દ્વારા વિકલાંગ વૃદ્ધને અડફેટે લેવાની ઘટનાને પગલે સિટી બસ ચાલકોની બેદરકારી અને ટ્રાફિક સલામતી અંગે પણ સવાલો ઊભા થયા છે. ઘટનામાં ઈજાગ્રસ્ત વૃદ્ધની હાલત અંગે વધુ વિગતો સામે આવવાની બાકી છે.
