ઈકોનોમી શેરબજારમાં જબરદસ્ત તેજી: સેન્સેક્સ 600થી વધુ પોઈન્ટ ઉછળ્યો, નિફ્ટી 24,200ની ઉપર પહોંચ્યો.
ભારતીય શેરબજારમાં આજે મજબૂત તેજી જોવા મળી રહી છે. સેન્સેક્સ 600થી વધુ પોઈન્ટના ઉછાળા સાથે 77,400ના સ્તરને પાર પહોંચ્યો, જ્યારે નિફ્ટી 200થી વધુ પોઈન્ટ વધીને 24,200ની સપાટીએ કારોબાર કરી રહ્યો છે.
બજારમાં આજે ખાસ કરીને આઈટી (IT) અને બેન્કિંગ ક્ષેત્રના શેરોમાં જોરદાર ખરીદી જોવા મળી રહી છે. રોકાણકારોનો સકારાત્મક માહોલ અને મોટા શેરોમાં ખરીદીના કારણે મુખ્ય સૂચકાંકોમાં મજબૂત વધારો નોંધાયો છે.
બજાર નિષ્ણાતોના જણાવ્યા મુજબ, વૈશ્વિક બજારોમાંથી મળેલા સકારાત્મક સંકેતો, વિદેશી સંસ્થાકીય રોકાણકારોની ખરીદી તેમજ મોટી કંપનીઓના શેરોમાં તેજીના કારણે ભારતીય શેરબજારને મજબૂત સપોર્ટ મળ્યો છે. ખાસ કરીને IT અને બેન્કિંગ ક્ષેત્રે બજારને આગળ ધપાવવામાં મહત્વની ભૂમિકા ભજવી છે.
રોકાણકારોની નજર હવે દિવસના અંત સુધી બજારનો ટ્રેન્ડ, વૈશ્વિક આર્થિક સંકેતો અને કોર્પોરેટ પરિણામો પર રહેશે. જો ખરીદીનો માહોલ યથાવત રહેશે તો બજાર વધુ ઊંચા સ્તરે પહોંચવાની શક્યતા પણ વ્યક્ત કરવામાં આવી રહી છે.
