જાહેરાત
તાજા સમાચાર
દિલજીત દોસાંઝના કોન્સર્ટને પોલીસની મંજૂરી! સુરક્ષામાં 1200થી વધુ પોલીસકર્મીઓ તૈનાત | ગુજરાતમાં ઠંડીનું જોર વધશે! લઘુતમ તાપમાનમાં 2થી 3 ડિગ્રીનો ઘટાડો | PUC સર્ટિફિકેટના નિયમોમાં મોટો ફેરફાર! | પાકિસ્તાનમાં ભયાનક અકસ્માત! બસ અને LPG ટેન્કરની ટક્કર બાદ આગ, 10નાં મોત અને 27 ઘાયલ | એશિયન ગેમ્સની બ્રોન્ઝ મેડલ વિજેતા કિરણ બાલિયાન પર 8 વર્ષનો પ્રતિબંધ! | બંગાળની ખાડીમાં ચક્રવાતી તોફાન 'અકવાન'નો ખતરો! 100 કિમીની ઝડપે ફૂંકાશે પવન | ગુજરાતમાં વાહનો પર જાતિસૂચક સ્ટીકર લગાવ્યા તો નહીં ચાલે! નવા નિયમથી પ્રતિબંધ | સોના-ચાંદીના ભાવમાં મોટો કડાકો | ગુજરાત પોલીસમાં 2,900થી વધુ જગ્યાઓ પર મેગા ભરતીની જાહેરાત! | અમદાવાદમાં અમિત શાહના હસ્તે ₹1,400 કરોડથી વધુના 30 વિકાસ પ્રકલ્પોનું લોકાર્પણ અને ખાતમુહૂર્ત: 9 હજારથી વધુ પરિવારોને મળશે પાકા મકાનો. |
પાછા મુખ્ય સમાચાર પર
ટૉપ ન્યૂઝ ૧૪૧ વાર જોવાયેલ • 4 મહિના પેહલા

ટૉપ ન્યૂઝ દેવભૂમિ દ્વારકામાં આજે પહોંચશે કોંગ્રેસની કિશાન અધિકાર યાત્રા, 500 કિમીની પદયાત્રાનો થશે સમાપન

દેવભૂમિ દ્વારકામાં આજે પહોંચશે કોંગ્રેસની કિશાન અધિકાર યાત્રા, 500 કિમીની પદયાત્રાનો થશે સમાપન

કોંગ્રેસ દ્વારા ખેડૂતોના વિવિધ પ્રશ્નોને ઉજાગર કરવા અને સરકાર સમક્ષ તેમની માંગણીઓ પહોંચાડવાના હેતુથી શરૂ કરવામાં આવેલી કિશાન અધિકાર યાત્રા આજે તેના 19મા દિવસે દેવભૂમિ દ્વારકા પહોંચશે. કચ્છ જિલ્લાના વ્રજવાણી ગામથી પ્રારંભ થયેલી આ યાત્રાએ અંદાજે 500 કિલોમીટરની પદયાત્રા પૂર્ણ કરીને દ્વારકામાં પ્રવેશ કરશે. યાત્રા દરમિયાન કચ્છ, જામનગર અને દેવભૂમિ દ્વારકા જિલ્લાના અનેક ગામો અને શહેરોમાં ખેડૂતો સાથે સંવાદ કરવામાં આવ્યો હતો તેમજ તેમની સમસ્યાઓ અને માંગણીઓને લોકો સુધી પહોંચાડવાનો પ્રયાસ કરવામાં આવ્યો હતો.

કોંગ્રેસના નેતૃત્વ હેઠળ યોજાયેલી આ કિશાન અધિકાર યાત્રાનો મુખ્ય હેતુ ખેડૂતોને તેમની ખેતી અને જીવન સાથે જોડાયેલા પ્રશ્નોમાં ન્યાય મળે તેમજ સરકાર તેમની લાંબા સમયથી પડતર માંગણીઓનો યોગ્ય ઉકેલ લાવે તે છે. યાત્રા દરમિયાન કોંગ્રેસના આગેવાનો દ્વારા ખેડૂતો સાથે બેઠકો યોજી તેમની રજૂઆતો સાંભળવામાં આવી હતી અને સરકાર સુધી આ અવાજ પહોંચાડવાની ખાતરી આપવામાં આવી હતી.

આ યાત્રામાં ખેડૂતોની અનેક મહત્વપૂર્ણ માંગણીઓને પ્રાધાન્ય આપવામાં આવ્યું છે. જેમાં ખેતી પેદાશોને પોષણક્ષમ ભાવ મળે, સમયસર અને પૂરતું ખાતર ઉપલબ્ધ કરાવવામાં આવે, ખેડૂતોને નિયમિત અને પૂરતો વીજ પુરવઠો મળે, ઊર્જા કંપનીઓ દ્વારા થતી દાદાગીરીનો અંત આવે, તેમજ કુદરતી આફતોના સમયમાં ખેડૂતોને પાક વીમાનો યોગ્ય લાભ મળે જેવી મુખ્ય માંગણીઓનો સમાવેશ થાય છે. કોંગ્રેસનું કહેવું છે કે ખેડૂતોની આ સમસ્યાઓનો તાત્કાલિક ઉકેલ લાવવાની જરૂર છે.

દ્વારકા પહોંચનારી આ કિશાન અધિકાર યાત્રામાં મોટી સંખ્યામાં ખેડૂતો, મહિલાઓ, યુવાનો તેમજ કોંગ્રેસના સ્થાનિક અને પ્રદેશ કક્ષાના અગ્રણી નેતાઓ જોડાશે. યાત્રા દ્વારકાના વિવિધ વિસ્તારોમાંથી પસાર થશે, જ્યાં કાર્યકરો અને સ્થાનિક લોકો દ્વારા તેનું સ્વાગત કરવામાં આવશે. યાત્રા દરમિયાન ખેડૂતોના પ્રશ્નો અને કૃષિ સંબંધિત મુદ્દાઓ અંગે જનજાગૃતિનો પણ પ્રયાસ કરવામાં આવશે.

યાત્રાનો સમાપન કાર્યક્રમ દ્વારકાધીશ જગત મંદિર ખાતે યોજાશે. અહીં યાત્રામાં જોડાયેલા આગેવાનો અને ખેડૂતો દ્વારા ધ્વજારોહણ કરવામાં આવશે અને ભગવાન દ્વારકાધીશ સમક્ષ ખેડૂતોની મુશ્કેલીઓ દૂર થાય, ખેતી સમૃદ્ધ બને અને અન્નદાતાને ન્યાય મળે તેવી પ્રાર્થના કરવામાં આવશે. આ સાથે 19 દિવસની અને અંદાજે 500 કિલોમીટર લાંબી કિશાન અધિકાર યાત્રાનું ઔપચારિક સમાપન થશે.

આ સમાચાર શેર કરો:
સમય સંદેશ મેનુ