સ્પોર્ટ્સ કોલંબો ટેસ્ટ ડ્રો, ભારતના હાથમાંથી જીત સરકી
સોનલ દિનુષાની શાનદાર સદીએ શ્રીલંકાને બચાવ્યું, પાંચમા દિવસે પલટાઈ મેચની બાજી
કોલંબોમાં રમાયેલી ટેસ્ટ મેચ ડ્રો રહી છે. શ્રીલંકાએ પોતાની બીજી ઇનિંગ 429/9ના સ્કોરે ડિકલેર કરતાં બંને ટીમોના ખેલાડીઓએ હાથ મિલાવ્યા અને મેચનો અંત આવ્યો.
મેચના ચોથા દિવસે ભારતનો વિજય લગભગ નિશ્ચિત લાગી રહ્યો હતો, પરંતુ પાંચમા દિવસે શ્રીલંકાએ જોરદાર વાપસી કરીને સમગ્ર મેચનું ચિત્ર બદલી નાખ્યું. શ્રીલંકાના બેટર સોનલ દિનુષાની શાનદાર સદીએ ટીમ ઈન્ડિયાના જડબામાંથી જીત છીનવી લીધી.
મેચના બંને ઇનિંગમાં સદી ફટકારીને સોનલ દિનુષા શ્રીલંકા માટે હીરો સાબિત થયો. પ્રથમ ઇનિંગમાં 7મા ક્રમે બેટિંગ કરવા ઉતરેલા દિનુષાએ 8 ચોગ્ગા અને 3 છગ્ગાની મદદથી 103 રન બનાવ્યા હતા.
ત્યારબાદ બીજી ઇનિંગમાં પણ તેણે શાનદાર બેટિંગ જારી રાખી હતી. છઠ્ઠા ક્રમે બેટિંગ કરતાં દિનુષાએ 133 રનની અણનમ ઇનિંગ રમી હતી, જેમાં 8 ચોગ્ગા અને 2 છગ્ગાનો સમાવેશ થાય છે.
દિનુષાની બંને ઇનિંગની સદીએ શ્રીલંકાને મુશ્કેલીમાંથી બહાર કાઢ્યું અને ભારતની લગભગ નિશ્ચિત લાગતી જીતને ડ્રોમાં ફેરવી નાખી. મેચનો પાંચમો દિવસ ખરેખર શ્રીલંકા માટે ચમત્કારથી ઓછો રહ્યો નહોતો.
