જાહેરાત
તાજા સમાચાર
દિલજીત દોસાંઝના કોન્સર્ટને પોલીસની મંજૂરી! સુરક્ષામાં 1200થી વધુ પોલીસકર્મીઓ તૈનાત | ગુજરાતમાં ઠંડીનું જોર વધશે! લઘુતમ તાપમાનમાં 2થી 3 ડિગ્રીનો ઘટાડો | PUC સર્ટિફિકેટના નિયમોમાં મોટો ફેરફાર! | પાકિસ્તાનમાં ભયાનક અકસ્માત! બસ અને LPG ટેન્કરની ટક્કર બાદ આગ, 10નાં મોત અને 27 ઘાયલ | એશિયન ગેમ્સની બ્રોન્ઝ મેડલ વિજેતા કિરણ બાલિયાન પર 8 વર્ષનો પ્રતિબંધ! | બંગાળની ખાડીમાં ચક્રવાતી તોફાન 'અકવાન'નો ખતરો! 100 કિમીની ઝડપે ફૂંકાશે પવન | ગુજરાતમાં વાહનો પર જાતિસૂચક સ્ટીકર લગાવ્યા તો નહીં ચાલે! નવા નિયમથી પ્રતિબંધ | સોના-ચાંદીના ભાવમાં મોટો કડાકો | ગુજરાત પોલીસમાં 2,900થી વધુ જગ્યાઓ પર મેગા ભરતીની જાહેરાત! | અમદાવાદમાં અમિત શાહના હસ્તે ₹1,400 કરોડથી વધુના 30 વિકાસ પ્રકલ્પોનું લોકાર્પણ અને ખાતમુહૂર્ત: 9 હજારથી વધુ પરિવારોને મળશે પાકા મકાનો. |
પાછા મુખ્ય સમાચાર પર
હવામાન ૧૦૭ વાર જોવાયેલ • 3 મહિના પેહલા

હવામાન ભારે વરસાદની આગાહીને પગલે ભાવનગર જિલ્લામાં આવતીકાલે તમામ શાળાઓમાં રજા જાહેર.

ભારે વરસાદની આગાહીને પગલે ભાવનગર જિલ્લામાં આવતીકાલે તમામ શાળાઓમાં રજા જાહેર.
ભાવનગર: હવામાન વિભાગ દ્વારા ભારે વરસાદની આગાહી કરવામાં આવતા જિલ્લા વહીવટી તંત્ર સતર્ક બન્યું છે. માનનીય જિલ્લા કલેક્ટરના નિર્દેશ અનુસાર ભાવનગર શહેર અને જિલ્લાના તમામ શૈક્ષણિક સંસ્થાઓમાં આવતીકાલે શૈક્ષણિક કાર્ય બંધ રાખવાનો નિર્ણય લેવામાં આવ્યો છે. જાહેર કરાયેલા આદેશ મુજબ બાલવાટિકા, પ્રાથમિક, માધ્યમિક તેમજ ઉચ્ચતર માધ્યમિક શાળાઓમાં આવતીકાલે રજા રહેશે. વિદ્યાર્થીઓની સુરક્ષા અને ભારે વરસાદને કારણે સર્જાઈ શકે તેવી પરિસ્થિતિને ધ્યાનમાં રાખીને આ નિર્ણય લેવામાં આવ્યો છે. જિલ્લા શિક્ષણાધિકારી (DEO) અને જિલ્લા પ્રાથમિક શિક્ષણાધિકારી (DPEO) હિતેન્દ્રસિંહ પઢેરિયા દ્વારા તમામ સરકારી, અનુદાનિત અને ખાનગી શાળાઓને આ આદેશનો ચુસ્તપણે અમલ કરવા સૂચના આપવામાં આવી છે. જિલ્લા વહીવટી તંત્રે વાલીઓને પણ અનુરોધ કર્યો છે કે ભારે વરસાદની સ્થિતિને ધ્યાનમાં રાખી બાળકોને બિનજરૂરી બહાર ન મોકલે તેમજ હવામાન અને તંત્ર દ્વારા આપવામાં આવતી સૂચનાઓનું પાલન કરે. ભારે વરસાદની સંભાવનાને પગલે જિલ્લા પ્રશાસન દ્વારા પરિસ્થિતિ પર સતત નજર રાખવામાં આવી રહી છે અને જરૂરી તમામ તકેદારીના પગલાં લેવામાં આવી રહ્યા છે. વિદ્યાર્થીઓ અને નાગરિકોની સુરક્ષાને સર્વોચ્ચ પ્રાથમિકતા આપતા આ નિર્ણય લેવામાં આવ્યો હોવાનું જિલ્લા તંત્રે જણાવ્યું છે.
આ સમાચાર શેર કરો:
સમય સંદેશ મેનુ