મારું શહેર જામનગરમાં વાહનચોરી ગેંગનો પર્દાફાશ, 8 મોટરસાયકલ સાથે એક આરોપી ઝડપાયો.

જામનગર જિલ્લામાં મિલકત સંબંધિત ગુનાઓ, ખાસ કરીને વાહનચોરીના વણઉકેલાયેલા ગુનાઓ શોધી કાઢવા માટે પોલીસ દ્વારા હાથ ધરાયેલી કાર્યવાહી દરમિયાન જામનગર લોકલ ક્રાઇમ બ્રાન્ચ, એટલે કે LCBને મહત્વપૂર્ણ સફળતા મળી છે. પોલીસની તપાસમાં વાહનચોરીને અંજામ આપનાર એક આરોપીને ઝડપી પાડવામાં આવ્યો છે અને તેની પાસેથી ચોરીની કુલ 8 મોટરસાયકલ કબજે કરવામાં આવી છે. કબજે કરાયેલા વાહનોની કુલ કિંમત આશરે રૂ.2 લાખ હોવાનું પોલીસ દ્વારા જણાવવામાં આવ્યું છે. આ કાર્યવાહીથી જામનગર જિલ્લાના અલગ-અલગ પોલીસ સ્ટેશનમાં નોંધાયેલા કુલ 8 વાહનચોરીના ગુનાઓનો ભેદ ઉકેલાયો હોવાનું સામે આવ્યું છે. સમગ્ર કાર્યવાહી દરમિયાન એક આરોપી ઉપરાંત ગુનામાં સંડોવાયેલા બે કાયદાથી સંઘર્ષિત કિશોર સામે પણ કાયદેસરની કાર્યવાહી કરવામાં આવી છે.

જામનગર જિલ્લામાં મિલકત સંબંધિત ગુનાઓ શોધી કાઢવા માટે રાજકોટ વિભાગના નાયબ પોલીસ મહાનિરીક્ષક શ્રી નિર્લિપ્ત રાય સાહેબની સૂચના બાદ જામનગર પોલીસ દ્વારા ખાસ કામગીરી હાથ ધરવામાં આવી હતી. જામનગર પોલીસ અધિક્ષક શ્રી ડો. રવિ મોહન સૈની તથા ઇન્ચાર્જ પોલીસ અધિક્ષક પ્રતિભા સાહેબના માર્ગદર્શન હેઠળ LCB પોલીસ ઇન્સ્પેક્ટર શ્રી વી.બી. ચૌધરીને વણશોધાયેલા મિલકત સંબંધિત ગુનાઓ શોધી કાઢવા સૂચના આપવામાં આવી હતી. જેના અનુસંધાને LCBના પોલીસ સબ ઇન્સ્પેક્ટર શ્રી એમ.વી. ભાટીયા અને સ્ટાફ દ્વારા હ્યુમન સોર્સ તથા ટેકનિકલ સેલની મદદથી તપાસ હાથ ધરવામાં આવી હતી. વિવિધ માહિતીનું વિશ્લેષણ કરીને વાહનચોરી સાથે સંકળાયેલા શંકાસ્પદ વ્યક્તિઓ અંગે માહિતી એકત્રિત કરવામાં આવી રહી હતી.

આ દરમિયાન LCBના દિલીપભાઈ તલાવડીયા, હિતેન્દ્રસિંહ જાડેજા, યુવરાજસિંહ ઝાલા, મયુદિન સૈયદ અને રૂષિરાજસિંહ વાળા સહિતના પોલીસ કર્મચારીઓને હ્યુમન સોર્સ મારફતે મહત્વપૂર્ણ બાતમી મળી હતી. બાતમી મુજબ જામનગર જિલ્લામાં અલગ-અલગ વિસ્તારોમાંથી મોટરસાયકલ ચોરી કરનાર વિમલ વિઠ્ઠલભાઈ કાકરેજા નામનો શખ્સ ચોરીના વાહનોને છુપાવીને રાખી રહ્યો હતો અને બાદમાં તેને સગેવગે કરવાની પેરવીમાં હતો. માહિતી મળ્યા બાદ પોલીસે તાત્કાલિક કાર્યવાહી હાથ ધરી હતી. તપાસ દરમિયાન જામનગર શહેરમાં મહાપ્રભુજી બેઠક આગળ આવેલી જિલ્લા સહકારી બેન્ક સામેના બાવળના કાંટામાં ચાર મોટરસાયકલ તથા બેડી રોડ પર આવેલા બેડી બ્રિજ નીચે વધુ ચાર મોટરસાયકલ રાખવામાં આવી હોવાની વિગતો સામે આવી હતી.

બાતમીના આધારે પોલીસે કાર્યવાહી કરીને વિમલ વિઠ્ઠલભાઈ કાકરેજા, રહે. મોટા લખીયા, તા. લાલપુર, જીલ્લો જામનગર, તથા તેની સાથે ગુનામાં સંડોવાયેલા બે કાયદાથી સંઘર્ષિત કિશોર પાસેથી કુલ 8 મોટરસાયકલ કબજે કરી હતી. કબજે કરાયેલા વાહનોમાં સ્પ્લેન્ડર મોટરસાયકલ GJ10 DK 2376, GJ10 DL 0423, GJ10 CJ 9549, GJ10 EB 9138, GJ10 AJ 9998, GJ10 AA 5784 અને GJ10 AG 5660નો સમાવેશ થાય છે. આ ઉપરાંત હીરો હોન્ડા સીડી મોટરસાયકલ નંબર GJ10 AE 8216 પણ કબજે કરવામાં આવી છે. પોલીસે ઇ-ગુજકોપમાં વાહનોના એન્જિન તથા ચેસીસ નંબરની તપાસ કરતા આ તમામ મોટરસાયકલો જામનગરના અલગ-અલગ પોલીસ સ્ટેશનોમાં નોંધાયેલા વાહનચોરીના ગુનાઓમાં ચોરાઈ હોવાનું સામે આવ્યું હતું.

પોલીસ તપાસમાં જામ સિટી એ ડિવિઝન પોલીસ સ્ટેશન, મેધપર-પડાણા પોલીસ સ્ટેશન, મેધપર પોલીસ સ્ટેશન તેમજ જામ સિટી બી ડિવિઝન અને સી ડિવિઝન પોલીસ સ્ટેશનમાં નોંધાયેલા કુલ 8 વાહનચોરીના ગુનાઓ સાથે આ વાહનોનો સંબંધ હોવાનું સામે આવ્યું છે. આ તમામ ગુનાઓ BNSની કલમ 303(2) હેઠળ નોંધાયેલા હોવાનું પોલીસ રેકોર્ડમાં દર્શાવવામાં આવ્યું છે. અલગ-અલગ વિસ્તારોમાંથી ચોરાયેલી મોટરસાયકલો એક જ સ્થળે શોધી કાઢવામાં આવતા પોલીસે આ કેસોને ઉકેલવામાં સફળતા મેળવી છે. કબજે કરાયેલા વાહનોના એન્જિન અને ચેસીસ નંબરના આધારે પોલીસ દ્વારા તેની ખરાઈ કરવામાં આવી હતી. આ ઉપરાંત આરોપી વિમલ વિઠ્ઠલભાઈ કાકરેજાનો અગાઉનો ગુનાહિત ઇતિહાસ પણ પોલીસ તપાસમાં સામે આવ્યો છે, જેમાં જામ સિટી બી ડિવિઝન પોલીસ સ્ટેશનના વાહનચોરી સંબંધિત ચાર ગુનાઓનો સમાવેશ થાય છે.

પોલીસના જણાવ્યા મુજબ આરોપી અને તેની સાથે સંકળાયેલા કાયદાથી સંઘર્ષિત કિશોરો જાહેર પાર્કિંગમાં પાર્ક કરાયેલા મોટરસાયકલોને નિશાન બનાવતા હતા. પોલીસ દ્વારા જણાવવામાં આવેલી મોડસ ઓપરેન્ડી મુજબ જાહેર સ્થળોએ પાર્ક કરાયેલા વાહનોને ડાયરેક્ટ કરીને તેની ચોરી કરવામાં આવતી હતી. ચોરી બાદ મોટરસાયકલોને અલગ-અલગ સ્થળોએ છુપાવી રાખવામાં આવતી અને ત્યારબાદ તેને સગેવગે કરવાની પેરવી કરવામાં આવતી હોવાની માહિતી સામે આવી છે. આ ગેંગનું કાર્યક્ષેત્ર જામનગરના કાનાલુસ ગેઇટ, રેલવે ફાટક વિસ્તાર, જોગવડ ગામ, નવી ટાઉનશિપ સામેનો વિસ્તાર, મોટી ખાવડી, ઠેબા ચોકડી સિનેમા વિસ્તાર, વાલ્કેશ્વરી, સાત રસ્તા સર્કલ, સમર્પણથી ઢીચડા રોડ તેમજ જામનગર રેલવે સ્ટેશન આસપાસના વિસ્તારો સુધી હોવાનું પોલીસ તપાસમાં સામે આવ્યું છે.

સમગ્ર કાર્યવાહી LCB પોલીસ ઇન્સ્પેક્ટર શ્રી વી.બી. ચૌધરી અને પોલીસ સબ ઇન્સ્પેક્ટર શ્રી એમ.વી. ભાટીયાના માર્ગદર્શન હેઠળ હાથ ધરવામાં આવી હતી. કાર્યવાહી દરમિયાન LCBના હરપાલસિંહ સોઢા, ભરતભાઈ પટેલ, નાનજીભાઈ પટેલ, શરદભાઈ પરમાર, દિલીપભાઈ તલવાડીયા, હિતેન્દ્રસિંહ જાડેજા, અરજણભાઈ કોડીયાતર, હિરેનભાઈ વરણવા, મયુદીનભાઈ સૈયદ, ક્રિપાલસિંહ જાડેજા, નિર્મળસિંહ જાડેજા, ધનશ્યામભાઈ ડેરવાળીયા, ભરતભાઈ ડાંગર, સુમીતભાઈ શીયાર, યુવરાજસિંહ ઝાલા, ધર્મેન્દ્રસિંહ જાડેજા, કિશોરભાઈ પરમાર, રૂષીરાજસિંહ વાળા, ભયપાલસિંહ જાડેજા, મયુરસિંહ પરમાર, અરજયભાઈ વીરડા, બળવંતસિંહ પરમાર, દયારામ ત્રિવેદી, બીજલભાઈ બાલાસરા, સુરેશભાઈ માલકીયા અને ભારતીબેન ડાંગર સહિતના પોલીસ કર્મચારીઓએ કામગીરીમાં ભાગ લીધો હતો. આ કાર્યવાહીથી 8 ચોરીની મોટરસાયકલ મળી આવતાં સંબંધિત ગુનાઓનો ભેદ ઉકેલાયો છે અને હવે પોલીસે સમગ્ર કેસમાં વધુ તપાસ હાથ ધરી છે.