જાહેરાત
તાજા સમાચાર
અમદાવાદમાં અમિત શાહના હસ્તે ₹1,400 કરોડથી વધુના 30 વિકાસ પ્રકલ્પોનું લોકાર્પણ અને ખાતમુહૂર્ત: 9 હજારથી વધુ પરિવારોને મળશે પાકા મકાનો. | સુરતમાં નાયબ મુખ્યમંત્રી હર્ષ સંઘવીની ઉપસ્થિતિમાં દીપાવલી અને વિક્રમ સંવત ૨૦૮૩ના નૂતન વર્ષનો સ્નેહમિલન સમારોહ યોજાયો. | દિવાળી બાદ અમદાવાદમાં વાયુ પ્રદૂષણનો પ્રકોપ: 17 વિસ્તારોમાં AQI 200ને પાર, થલતેજ સૌથી વધુ પ્રદૂષિત. | કાળી ચૌદશે દેવભૂમિ દ્વારકાના કજુરડા-વિજયનગરના સ્મશાનમાં યોજાયો ‘જ્યોત જલાવો, ભૂત ભગાવો’ કાર્યક્રમ. | ભાણવડના શિવ બળદ આશ્રમમાં અનોખી દિવાળીની ઉજવણી: દાતાઓના સહયોગથી અશક્ત અને નિરાધાર બળદોને પૌષ્ટિક ખોળ ખવડાવી જીવદયાનો સંદેશ. | ગુજરાતમાં ભ્રષ્ટાચારનો ચોંકાવનારો ચહેરો: એક વર્ષમાં 152 સરકારી કર્મચારીઓ લાંચ લેતા ઝડપાયા, રૂ. 13 કરોડની લાંચનો ખુલાસો. | મીની મથુરા માધવપુર ઘેડમાં ભાઈબીજના પર્વે ઉમટશે શ્રદ્ધાળુઓનો મહેરામણ. | મીની મથુરા માધવપુર ઘેડમાં ભાઈબીજના પર્વે ઉમટશે શ્રદ્ધાળુઓનો મહેરામણ. | માધવપુર SBI બેંકમાં નવી ચલણી નોટોની અછતથી ગ્રાહકોમાં નારાજગી: દિવાળીના તહેવારમાં નવી નોટો માટે લોકોની માંગ તેજ. | ગીરના જંગલમાં વધુ 100 જીપ્સી ઉમેરવાની કવાયત સામે વિરોધ: વન્યજીવોની સુરક્ષા અને પર્યાવરણ પર વધતા પ્રવાસન ભારણ અંગે ચિંતા. |
પાછા મુખ્ય સમાચાર પર
ક્રાઇમ ૧૯૫ વાર જોવાયેલ • 4 મહિના પેહલા

ક્રાઇમ ખંભાળિયા નજીક વિરમદળ રોડ પર યુવાનની કરપીણ હત્યા: સમગ્ર પંથકમાં ખળભળાટ, હત્યારાઓને ઝડપી પાડવા પોલીસના ચક્રો ગતિમાન

ખંભાળિયા નજીક વિરમદળ રોડ પર યુવાનની કરપીણ હત્યા: સમગ્ર પંથકમાં ખળભળાટ, હત્યારાઓને ઝડપી પાડવા પોલીસના ચક્રો ગતિમાન

દેવભૂમિ દ્વારકા જિલ્લાના ખંભાળિયા તાલુકામાં વિરમદળ ગામના રોડ પર એક યુવાનની ઘાતકી હત્યા કરવામાં આવતા સમગ્ર પંથકમાં ભારે અરેરાટી અને ચકચાર મચી ગઈ છે. મૃતકની ઓળખ ખંભાળિયાના હજામપાડા વિસ્તારમાં રહેતા આસીફ ઓસમાણ લાખા (ઉંમર 54 વર્ષ) તરીકે થઈ છે. બનાવની જાણ થતાં દેવભૂમિ દ્વારકા જિલ્લા પોલીસનો કાફલો ઘટનાસ્થળે દોડી ગયો હતો અને હત્યારાઓને ઝડપી પાડવા માટે સઘન તપાસ શરૂ કરવામાં આવી છે.

પ્રાથમિક માહિતી મુજબ, આસીફ ઓસમાણ લાખાની વિરમદળ ગામ નજીક અજાણ્યા શખ્સોએ ઘાતકી રીતે હત્યા કરી હતી. ઘટનાની જાણ થતાં સ્થાનિક લોકોમાં ભય અને રોષનો માહોલ સર્જાયો હતો. પોલીસે ઘટનાસ્થળે પહોંચી જરૂરી પુરાવાઓ એકત્રિત કર્યા હતા અને સમગ્ર વિસ્તારને કોર્ડન કરી તપાસ શરૂ કરી હતી.

આ ગંભીર ઘટનાની જાણ થતાં દેવભૂમિ દ્વારકા જિલ્લાના પોલીસવડા જયરાજસિંહ વાળા, નાયબ પોલીસ અધિક્ષક મીત રૂડરાલ તેમજ એલસીબી અને એસઓજીની ટીમો ઘટનાસ્થળે પહોંચી હતી. પોલીસે ગુનો નોંધી હત્યા પાછળનું કારણ જાણવા તેમજ સંડોવાયેલા આરોપીઓને ઝડપી પાડવા વિવિધ દિશામાં તપાસ શરૂ કરી છે.

મોડી રાત્રે મૃતદેહને પોસ્ટમોર્ટમ માટે જામનગરની સરકારી જી.જી. હોસ્પિટલ ખાતે લાવવામાં આવ્યો હતો. બનાવની જાણ થતાં જામનગર કુરેશ કસાઈ સમાજના અગ્રણીઓ અને મોટી સંખ્યામાં યુવાનો હોસ્પિટલ ખાતે પહોંચ્યા હતા. તેમણે મૃતકના પરિવારજનોને સાંત્વના પાઠવી હતી અને હત્યારાઓ સામે કડક કાર્યવાહી કરવાની માંગ સાથે આક્રોશ વ્યક્ત કર્યો હતો.

હાલ પોલીસ હત્યા પાછળનું ચોક્કસ કારણ, અંગત અદાવત, લૂંટફાટ કે અન્ય કોઈ કારણ જવાબદાર છે કે કેમ તે સહિતના તમામ પાસાઓની તપાસ કરી રહી છે. આસપાસના વિસ્તારોના સીસીટીવી ફૂટેજ, ટેકનિકલ સર્વેલન્સ અને અન્ય પુરાવાઓના આધારે આરોપીઓ સુધી પહોંચવાના પ્રયાસો હાથ ધરવામાં આવ્યા છે.

પોલીસે જણાવ્યું છે કે સમગ્ર કેસને ગંભીરતાથી લેવામાં આવ્યો છે અને હત્યામાં સંડોવાયેલા આરોપીઓને ઝડપવા માટે વિશેષ ટીમો કાર્યરત કરવામાં આવી છે. તપાસ પૂર્ણ થયા બાદ જ હત્યા પાછળનું સાચું કારણ સ્પષ્ટ થઈ શકશે. હાલ સમગ્ર પંથકમાં આ ઘટનાને લઈને શોક અને ચિંતાનો માહોલ જોવા મળી રહ્યો છે.

આ સમાચાર શેર કરો:
સમય સંદેશ મેનુ