આંતરરાષ્ટ્રીય દુનિયાનો પ્રથમ ટ્રિલિયોનર બન્યો ઈલોન મસ્ક! સ્પેસએક્સના ઐતિહાસિક IPOએ રચ્યો નવો ઈતિહાસ
દુનિયાભરમાં અત્યાર સુધી "બિલિયોનેર" શબ્દ સૌથી વધુ ચર્ચામાં રહેતો હતો, પરંતુ હવે વિશ્વને તેનો પ્રથમ "ટ્રિલિયોનર" મળી ગયો છે. વિશ્વના સૌથી ધનિક ઉદ્યોગપતિ અને Elon Muskએ એક નવો આર્થિક ઈતિહાસ રચ્યો છે. તેમની કંપની SpaceXના રેકોર્ડબ્રેક IPO બાદ તેમની કુલ સંપત્તિ 1 ટ્રિલિયન ડોલરનો આંકડો પાર કરી ગઈ હોવાનું આંતરરાષ્ટ્રીય અહેવાલોમાં જણાવાયું છે.
ગુરુવારે સ્પેસએક્સે શેરબજારના ઈતિહાસનો સૌથી મોટો IPO જાહેર કર્યો હતો. કંપનીએ પ્રતિ શેર 135 ડોલરના ભાવે 555 મિલિયનથી વધુ શેર વેચીને અંદાજે 75 બિલિયન ડોલર એકત્ર કર્યા હતા. આ IPO બાદ કંપનીનું કુલ મૂલ્યાંકન આશરે 1.77 ટ્રિલિયન ડોલર સુધી પહોંચી ગયું છે, જે તેને વિશ્વની સૌથી મૂલ્યવાન કંપનીઓમાં સ્થાન અપાવે છે.
આ ઐતિહાસિક IPOનો સૌથી મોટો ફાયદો કંપનીના સ્થાપક ઈલોન મસ્કને થયો છે. રોઇટર્સના અહેવાલ મુજબ સ્પેસએક્સમાં તેમની વિશાળ હિસ્સેદારીના કારણે તેમની કુલ નેટવર્થ 1.1 ટ્રિલિયન ડોલરથી વધુ પહોંચી ગઈ છે, જેના કારણે તેઓ માનવ ઈતિહાસના પ્રથમ ટ્રિલિયોનર બન્યા છે.
સ્પેસએક્સનું મૂલ્યાંકન વધતાં મસ્કની સંપત્તિમાં જંગી ઉછાળો આવ્યો છે. કંપનીમાં તેમની હિસ્સેદારીની કિંમત જ સેંકડો બિલિયન ડોલર સુધી પહોંચી ગઈ છે. આ ઉપરાંત મસ્ક પાસે Tesla, xAI અને X જેવી કંપનીઓમાં પણ મોટું માલિકી હક છે, જે તેમની સંપત્તિને વધુ મજબૂત બનાવે છે.
સ્પેસએક્સનો IPO માત્ર મસ્ક માટે જ નહીં પરંતુ સમગ્ર વૈશ્વિક શેરબજાર માટે ઐતિહાસિક ઘટના બની છે. 75 બિલિયન ડોલરનું ભંડોળ એકત્ર કરીને તેણે અગાઉના તમામ IPO રેકોર્ડ તોડી નાખ્યા છે. કંપની હવે અમેરિકાની સૌથી મૂલ્યવાન જાહેર કંપનીઓમાં ટોચના સ્થાન પર પહોંચી ગઈ છે.
સ્પેસએક્સની સફળતા પાછળ તેની સેટેલાઇટ ઈન્ટરનેટ સેવા સ્ટારલિંક, અવકાશ લોન્ચિંગ બિઝનેસ અને આર્ટિફિશિયલ ઈન્ટેલિજન્સ ક્ષેત્રમાં વધતી હાજરીને મુખ્ય કારણ માનવામાં આવે છે. રોકાણકારોએ કંપનીના ભવિષ્યમાં ભારે વિશ્વાસ વ્યક્ત કર્યો છે, જેના કારણે IPOને જોરદાર પ્રતિસાદ મળ્યો હતો.
એક સમયે માત્ર પેપાલ અને ઇલેક્ટ્રિક કાર કંપની ટેસ્લા માટે જાણીતા ઈલોન મસ્ક આજે અવકાશ ટેક્નોલોજી, AI, સેટેલાઇટ ઈન્ટરનેટ અને સોશિયલ મીડિયા જેવા અનેક ક્ષેત્રોમાં પ્રભુત્વ ધરાવે છે. હવે ટ્રિલિયન ડોલરની સંપત્તિ સાથે તેઓ વિશ્વના અન્ય તમામ અબજોપતિઓથી ઘણાં આગળ નીકળી ગયા છે.
આ રીતે સ્પેસએક્સના ઐતિહાસિક IPOએ માત્ર શેરબજારનો જ નહીં પરંતુ વૈશ્વિક સંપત્તિનો પણ નવો ઈતિહાસ રચ્યો છે. દુનિયાના પ્રથમ ટ્રિલિયોનર તરીકે ઈલોન મસ્કનું નામ હવે આર્થિક ઈતિહાસમાં સોનાના અક્ષરે લખાઈ ગયું છે.
