મારું શહેર શ્રી કૃષ્ણનગર પ્રાથમિક શાળામાં બાળમજૂરી વિરોધી જાગૃતિ કાર્યક્રમ.

ચાઇલ્ડ હેલ્પલાઇન 1098 અંગે 347 વિદ્યાર્થીઓને માર્ગદર્શન અપાયું

શ્રી કૃષ્ણનગર પ્રાથમિક શાળામાં “જાગે બાળમજૂરી ભાગે” અભિયાન અંતર્ગત બાળમજૂરી વિરોધી જાગૃતિ કાર્યક્રમનું આયોજન કરવામાં આવ્યું હતું. કાર્યક્રમનો મુખ્ય હેતુ વિદ્યાર્થીઓમાં બાળમજૂરી, બાળસુરક્ષા અને બાળકોના અધિકારો અંગે જાગૃતિ ફેલાવવાનો હતો. શાળાના વિદ્યાર્થીઓને મુશ્કેલીના સમયે યોગ્ય મદદ ક્યાંથી અને કેવી રીતે મેળવી શકાય તે અંગે પણ સમજ આપવામાં આવી હતી.

આ જાગૃતિ કાર્યક્રમમાં ચાઇલ્ડ હેલ્પલાઇન 1098ના કાઉન્સેલર પટેલ કૃષ્ણાબેન દ્વારા વિદ્યાર્થીઓને માર્ગદર્શન આપવામાં આવ્યું હતું. તેમણે બાળકો સાથે બનતા વિવિધ પ્રકારના બનાવો, જોખમો અને મુશ્કેલ પરિસ્થિતિઓ અંગે સરળ ભાષામાં માહિતી આપી હતી. બાળકોને કોઈપણ પ્રકારની મુશ્કેલી આવે ત્યારે ડર્યા વગર વિશ્વાસપાત્ર વ્યક્તિ અથવા ચાઇલ્ડ હેલ્પલાઇનનો સંપર્ક કરવાની સલાહ આપવામાં આવી હતી.

કાર્યક્રમ દરમિયાન જાતીય સતામણી જેવા ગંભીર મુદ્દાઓ અંગે પણ વિદ્યાર્થીઓને જાગૃત કરવામાં આવ્યા હતા. બાળકો સાથે કોઈ અયોગ્ય વર્તન થાય, કોઈ વ્યક્તિ દ્વારા દુર્વ્યવહાર કરવામાં આવે અથવા બાળક અસુરક્ષિત અનુભવતું હોય ત્યારે તાત્કાલિક મદદ લેવી જરૂરી છે તે અંગે સમજ આપવામાં આવી હતી. વિદ્યાર્થીઓને પોતાની સુરક્ષા અંગે સજાગ રહેવા અને કોઈપણ અયોગ્ય ઘટનાને છુપાવવાને બદલે યોગ્ય વ્યક્તિ સુધી વાત પહોંચાડવા પ્રોત્સાહિત કરવામાં આવ્યા હતા.

આ ઉપરાંત બાળમજૂરી અને ભિક્ષાવૃત્તિ અંગે પણ વિસ્તૃત માહિતી આપવામાં આવી હતી. નાની ઉંમરના બાળકોને શિક્ષણથી દૂર રાખીને કામ કરાવવું અથવા ભિક્ષાવૃત્તિમાં ધકેલવા જેવી પ્રવૃત્તિઓ તેમના વિકાસ અને ભવિષ્ય માટે નુકસાનકારક છે તે સમજાવવામાં આવ્યું હતું. બાળકોને શિક્ષણ મેળવવાનો અધિકાર છે અને સમાજના દરેક વર્ગે બાળમજૂરી અટકાવવા માટે જવાબદારીપૂર્વક આગળ આવવું જોઈએ તે અંગે પણ ચર્ચા કરવામાં આવી હતી.

બાળલગ્નના મુદ્દે પણ વિદ્યાર્થીઓને જરૂરી માર્ગદર્શન આપવામાં આવ્યું હતું. નાની ઉંમરે લગ્ન થવાથી બાળકોના શિક્ષણ, આરોગ્ય અને માનસિક વિકાસ પર નકારાત્મક અસર થઈ શકે છે તે સમજાવવામાં આવ્યું હતું. બાળલગ્ન જેવી પ્રથાઓ સામે જાગૃતિ ફેલાવવી અને આવી કોઈ ઘટના અંગે તાત્કાલિક જવાબદાર તંત્રને જાણ કરવી જરૂરી છે તે અંગે વિદ્યાર્થીઓને માહિતગાર કરવામાં આવ્યા હતા.

ચાઇલ્ડ હેલ્પલાઇન નંબર 1098ની કામગીરી અંગે પણ કાઉન્સેલર દ્વારા વિગતવાર સમજ આપવામાં આવી હતી. બાળકો મુશ્કેલીમાં હોય, ગુમ થઈ જાય, શોષણનો ભોગ બને, બાળમજૂરીમાં ધકેલાતા હોય અથવા કોઈપણ પ્રકારની મદદની જરૂરિયાત હોય ત્યારે 1098નો ઉપયોગ કરી શકે છે. હેલ્પલાઇનનો હેતુ બાળકોને સુરક્ષા, સહાય, માર્ગદર્શન અને જરૂરી સેવાઓ સાથે જોડવાનો છે તે અંગે વિદ્યાર્થીઓને સમજ આપવામાં આવી હતી.

આ કાર્યક્રમ આચાર્ય શ્રી રામસીભાઈ અને શાળાના શિક્ષકગણના સહયોગથી સફળતાપૂર્વક યોજાયો હતો. શાળાના આશરે 347 વિદ્યાર્થીઓએ આ જાગૃતિ કાર્યક્રમનો લાભ લીધો હતો. કાર્યક્રમ દ્વારા વિદ્યાર્થીઓમાં બાળસુરક્ષા, બાળ અધિકારો અને મુશ્કેલીના સમયે મદદ મેળવવાની સમજ વિકસે તેવો પ્રયાસ કરવામાં આવ્યો હતો. “જાગે બાળમજૂરી ભાગે” અભિયાન અંતર્ગત યોજાયેલ આ કાર્યક્રમ બાળકોના સુરક્ષિત અને ઉજ્જવળ ભવિષ્ય માટે મહત્વપૂર્ણ સાબિત થયો હતો.

રિપોર્ટ મયુર મોદી ભાણવડ