મારું શહેર કેશોદમાં બંધ ટ્રકમાંથી ડિઝલ અને ટાયરની ચોરીનો ભાંડાફોડ: બે શખ્સ ઝડપાયા, ટ્રક ડ્રાઈવર ફરાર

Keshod તાલુકાના માણેકવાડા નજીક પાર્ક કરાયેલા ટ્રકમાંથી ડિઝલ અને ટાયરની ચોરી કરનાર શખ્સોને Keshod Police Station દ્વારા ઝડપી પાડવામાં આવ્યા છે. ટ્રક માલિકની ફરિયાદના આધારે પોલીસે હાથ ધરેલી તપાસમાં બે ઈસમોની સંડોવણી સામે આવતા તેમની અટકાયત કરી ધોરણસરની કાર્યવાહી હાથ ધરવામાં આવી છે, જ્યારે ટ્રક ડ્રાઈવર હાલ ફરાર હોવાનું સામે આવ્યું છે.

પ્રાપ્ત માહિતી મુજબ, રાજસ્થાનના રહેવાસી ટ્રક માલિક બલરામ શ્યોરામ યાદવની માલિકીનો ટ્રક નંબર આરજે-૫૨-જીબી-૦૯૦૪ દિલ્હીથી ચોખાનો માલ ભરીને ઉના ખાતે ડિલિવરી માટે ગયો હતો. ટ્રકનો ડ્રાઈવર રામકુમાર ભગવાનદાસ નૈકપૂરી માલ પહોંચાડ્યા બાદ ડિઝલ ભરાવી Manekwada નજીક આવેલી હોટલ બહાર પાર્કિંગમાં ટ્રક મૂકી ત્યાંથી જતો રહ્યો હતો.

સમય પસાર થયા બાદ પણ ડ્રાઈવર ટ્રક લઈ જવા પરત ન ફરતા હોટલ સંચાલકોને શંકા જતા તેમણે ટ્રક માલિકનો સંપર્ક કરી સમગ્ર બાબતની જાણ કરી હતી. ત્યારબાદ ટ્રક માલિક સ્થળ પર પહોંચ્યા અને ટ્રકની તપાસ કરતાં ચોંકાવનારી વિગતો સામે આવી હતી. ટ્રકમાં લગાવેલા કુલ 12 ટાયરમાંથી 6 ટાયર ગાયબ હતા અને ડિઝલની ટાંકી પણ સંપૂર્ણ ખાલી જોવા મળી હતી.

આ ઘટનાથી ટ્રક માલિકને આશરે ₹1,69,000નું નુકસાન થયું હોવાનું સામે આવ્યું છે. જેમાં 6 ટાયરની કિંમત અંદાજે ₹1,44,000 અને આશરે 250 લીટર ડિઝલની કિંમત ₹25,000 ગણાવવામાં આવી છે. સમગ્ર ઘટનાને લઈને ટ્રક માલિક બલરામ શ્યોરામ યાદવે Keshod Police Station ખાતે ટ્રક ડ્રાઈવર રામકુમાર ભગવાનદાસ નૈકપૂરી વિરુદ્ધ ફરિયાદ નોંધાવી હતી.

ફરિયાદના આધારે પોલીસે ગુનો નોંધી તપાસ હાથ ધરી હતી. તપાસ દરમિયાન ટ્રકમાંથી ચોરાયેલા આશરે 250 લીટર ડિઝલ મામલે સ્થાનિક આખા ગામના અબ્દુલ મુસાભાઈ સાધ અને કાદરશા ઈભ્રરામશા સર્વદીની સંડોવણી સામે આવી હતી. ત્યારબાદ પોલીસ ઈન્સ્પેક્ટર એમ.ડી. ચૌધરીના માર્ગદર્શન હેઠળ બંને શખ્સોને ઝડપી લેવા કાર્યવાહી હાથ ધરવામાં આવી હતી.

પોલીસે ઝડપી કાર્યવાહી કરી આખા ગામના રહેવાસી અબ્દુલ મુસાભાઈ સાધ અને કાદરશા ઈભ્રરામશા સર્વદીને ઝડપી પાડી તેમની સામે કાયદેસરની કાર્યવાહી શરૂ કરી છે. પૂછપરછ દરમિયાન વધુ વિગતો બહાર આવે તેવી શક્યતા વ્યક્ત કરવામાં આવી રહી છે.

બીજી તરફ, ટ્રકમાંથી ટાયરની ચોરીમાં મુખ્ય સંડોવણી ધરાવતા હોવાનું માનવામાં આવતા ટ્રક ડ્રાઈવર રામકુમાર ભગવાનદાસ નૈકપૂરી હાલ ફરાર હોવાનું સામે આવ્યું છે. પોલીસે તેની શોધખોળ માટે અલગ અલગ ટીમો બનાવી તપાસ શરૂ કરી છે. આરોપીની ધરપકડ બાદ સમગ્ર ચોરી કાંડ અંગે વધુ ખુલાસા થાય તેવી શક્યતા છે.

સ્થાનિકોમાં આ ઘટનાને લઈને ચકચાર મચી ગઈ છે. ખાસ કરીને હાઈવે અને હોટલ પાર્કિંગ વિસ્તારોમાં ઉભા રાખવામાં આવતા ભારે વાહનોની સુરક્ષાને લઈને પણ પ્રશ્નો ઉભા થયા છે. વેપારીઓ અને ટ્રાન્સપોર્ટરોમાં પણ આ બનાવ બાદ ચિંતા જોવા મળી રહી છે.

Keshod Police Station દ્વારા હાલ સમગ્ર મામલે વધુ તપાસ હાથ ધરવામાં આવી રહી છે અને ચોરીમાં અન્ય કોઈ શખ્સોની સંડોવણી છે કે નહીં તે દિશામાં પણ તપાસ આગળ વધી રહી છે.

રિપોર્ટર : શોભના