જાહેરાત
તાજા સમાચાર
અમદાવાદમાં અમિત શાહના હસ્તે ₹1,400 કરોડથી વધુના 30 વિકાસ પ્રકલ્પોનું લોકાર્પણ અને ખાતમુહૂર્ત: 9 હજારથી વધુ પરિવારોને મળશે પાકા મકાનો. | સુરતમાં નાયબ મુખ્યમંત્રી હર્ષ સંઘવીની ઉપસ્થિતિમાં દીપાવલી અને વિક્રમ સંવત ૨૦૮૩ના નૂતન વર્ષનો સ્નેહમિલન સમારોહ યોજાયો. | દિવાળી બાદ અમદાવાદમાં વાયુ પ્રદૂષણનો પ્રકોપ: 17 વિસ્તારોમાં AQI 200ને પાર, થલતેજ સૌથી વધુ પ્રદૂષિત. | કાળી ચૌદશે દેવભૂમિ દ્વારકાના કજુરડા-વિજયનગરના સ્મશાનમાં યોજાયો ‘જ્યોત જલાવો, ભૂત ભગાવો’ કાર્યક્રમ. | ભાણવડના શિવ બળદ આશ્રમમાં અનોખી દિવાળીની ઉજવણી: દાતાઓના સહયોગથી અશક્ત અને નિરાધાર બળદોને પૌષ્ટિક ખોળ ખવડાવી જીવદયાનો સંદેશ. | ગુજરાતમાં ભ્રષ્ટાચારનો ચોંકાવનારો ચહેરો: એક વર્ષમાં 152 સરકારી કર્મચારીઓ લાંચ લેતા ઝડપાયા, રૂ. 13 કરોડની લાંચનો ખુલાસો. | મીની મથુરા માધવપુર ઘેડમાં ભાઈબીજના પર્વે ઉમટશે શ્રદ્ધાળુઓનો મહેરામણ. | મીની મથુરા માધવપુર ઘેડમાં ભાઈબીજના પર્વે ઉમટશે શ્રદ્ધાળુઓનો મહેરામણ. | માધવપુર SBI બેંકમાં નવી ચલણી નોટોની અછતથી ગ્રાહકોમાં નારાજગી: દિવાળીના તહેવારમાં નવી નોટો માટે લોકોની માંગ તેજ. | ગીરના જંગલમાં વધુ 100 જીપ્સી ઉમેરવાની કવાયત સામે વિરોધ: વન્યજીવોની સુરક્ષા અને પર્યાવરણ પર વધતા પ્રવાસન ભારણ અંગે ચિંતા. |
પાછા મુખ્ય સમાચાર પર
ક્રાઇમ ૧૪૯ વાર જોવાયેલ • 4 મહિના પેહલા

ક્રાઇમ દ્વારકાના ધ્રાસણવેલ ગામે દેશી દારૂની ભઠ્ઠી ઝડપાઈ એલસીબીનો દરોડો: દારૂ, કાચો આથો અને સાધનો સહિત રૂ.૨૧ હજારનો મુદ્દામાલ કબજે, સંચાલક ફરાર

દ્વારકાના ધ્રાસણવેલ ગામે દેશી દારૂની ભઠ્ઠી ઝડપાઈ એલસીબીનો દરોડો: દારૂ, કાચો આથો અને સાધનો સહિત રૂ.૨૧ હજારનો મુદ્દામાલ કબજે, સંચાલક ફરાર

દ્વારકા: દેવભૂમિ દ્વારકા જિલ્લામાં દેશી દારૂની ગેરકાયદે પ્રવૃત્તિઓ સામે પોલીસ દ્વારા સતત કાર્યવાહી કરવામાં આવી રહી છે. ત્યારે દ્વારકા તાલુકાના ધ્રાસણવેલ ગામમાં જિલ્લા લોકલ ક્રાઇમ બ્રાન્ચ (એલસીબી)ની ટીમે ચોક્કસ બાતમીના આધારે દરોડો પાડી દેશી દારૂ બનાવવાની ચાલુ ભઠ્ઠી ઝડપી પાડી છે.

પ્રાપ્ત માહિતી મુજબ એલસીબી પોલીસને બાતમી મળી હતી કે દ્વારકા તાલુકાના ધ્રાસણવેલ ગામની સીમ વિસ્તારમાં દેશી દારૂ બનાવવાની ગેરકાયદેસર પ્રવૃત્તિ ચાલી રહી છે. જેના આધારે પોલીસ ટીમે મગદેરની સામે જતા રોડ પર આવેલા સરકારી તળાવની પાળ પાસે વોચ ગોઠવી દરોડાની કાર્યવાહી હાથ ધરી હતી.

દરોડા દરમિયાન સ્થળ પરથી દેશી દારૂનો જથ્થો, દારૂ બનાવવા માટેનો કાચો આથો તેમજ દારૂ ઉકાળવા માટે ઉપયોગમાં લેવાતા સાધનો મળી આવ્યા હતા. પોલીસે તમામ મુદ્દામાલ કબજે કરી કુલ રૂ.૨૧,૫૦૦નો મુદ્દામાલ જપ્ત કર્યો હતો.

પોલીસની કાર્યવાહી દરમિયાન દેશી દારૂની ભઠ્ઠી ચલાવતો હરભમભા ગમલાભા માણેક નામનો શખ્સ સ્થળ પર હાજર મળી આવ્યો ન હતો અને પોલીસને ચકમો આપી ફરાર થઈ ગયો હતો.

આ અંગે એલસીબી પોલીસે હરભમભા ગમલાભા માણેક વિરુદ્ધ ગુજરાત દારૂબંધી અધિનિયમ હેઠળ ગુનો નોંધી તેની ધરપકડ માટે તપાસના ચક્રો ગતિમાન કર્યા છે.

દેવભૂમિ દ્વારકા જિલ્લામાં દારૂની ગેરકાયદે હેરાફેરી અને ઉત્પાદન સામે પોલીસ દ્વારા ખાસ ઝુંબેશ ચલાવવામાં આવી રહી છે. આગામી દિવસોમાં પણ આવી પ્રવૃત્તિઓ સામે કડક કાર્યવાહી ચાલુ રહેશે તેમ પોલીસ સૂત્રોએ જણાવ્યું છે.

આ સમાચાર શેર કરો:
સમય સંદેશ મેનુ