જાહેરાત
તાજા સમાચાર
દિલજીત દોસાંઝના કોન્સર્ટને પોલીસની મંજૂરી! સુરક્ષામાં 1200થી વધુ પોલીસકર્મીઓ તૈનાત | ગુજરાતમાં ઠંડીનું જોર વધશે! લઘુતમ તાપમાનમાં 2થી 3 ડિગ્રીનો ઘટાડો | PUC સર્ટિફિકેટના નિયમોમાં મોટો ફેરફાર! | પાકિસ્તાનમાં ભયાનક અકસ્માત! બસ અને LPG ટેન્કરની ટક્કર બાદ આગ, 10નાં મોત અને 27 ઘાયલ | એશિયન ગેમ્સની બ્રોન્ઝ મેડલ વિજેતા કિરણ બાલિયાન પર 8 વર્ષનો પ્રતિબંધ! | બંગાળની ખાડીમાં ચક્રવાતી તોફાન 'અકવાન'નો ખતરો! 100 કિમીની ઝડપે ફૂંકાશે પવન | ગુજરાતમાં વાહનો પર જાતિસૂચક સ્ટીકર લગાવ્યા તો નહીં ચાલે! નવા નિયમથી પ્રતિબંધ | સોના-ચાંદીના ભાવમાં મોટો કડાકો | ગુજરાત પોલીસમાં 2,900થી વધુ જગ્યાઓ પર મેગા ભરતીની જાહેરાત! | અમદાવાદમાં અમિત શાહના હસ્તે ₹1,400 કરોડથી વધુના 30 વિકાસ પ્રકલ્પોનું લોકાર્પણ અને ખાતમુહૂર્ત: 9 હજારથી વધુ પરિવારોને મળશે પાકા મકાનો. |
પાછા મુખ્ય સમાચાર પર
હવામાન ૧૪૩ વાર જોવાયેલ • 3 મહિના પેહલા

હવામાન જામનગર જિલ્લામાં 15 ઓગસ્ટ સુધી દરિયામાં પ્રવેશ પર પ્રતિબંધ, જાહેરનામું અમલમાં.

જામનગર જિલ્લામાં 15 ઓગસ્ટ સુધી દરિયામાં પ્રવેશ પર પ્રતિબંધ, જાહેરનામું અમલમાં.

જામનગર, તા. 30 જુલાઈ: ચોમાસા દરમિયાન દરિયો તોફાની બનવાની શક્યતા અને માછીમારોની સુરક્ષાને ધ્યાનમાં રાખીને અધિક જિલ્લા મેજિસ્ટ્રેટ, જામનગર દ્વારા મહત્વપૂર્ણ જાહેરનામું બહાર પાડવામાં આવ્યું છે. જાહેરનામા મુજબ જામનગર જિલ્લાના સમગ્ર દરિયાકાંઠા તથા ક્રીક વિસ્તારમાં 15 ઓગસ્ટ સુધી માછીમારી કે અન્ય કોઈપણ હેતુસર દરિયામાં પ્રવેશવા પર પ્રતિબંધ મૂકવામાં આવ્યો છે.

જામનગર જિલ્લાના વિવિધ બંદરો પરથી મોટી સંખ્યામાં માછીમારો દરિયામાં માછીમારી માટે જાય છે. સમુદ્રમાં પહોંચ્યા બાદ વાવાઝોડું, ભારે વરસાદ અથવા હવામાનમાં અચાનક થતા ફેરફારો અંગે સમયસર ચેતવણી પહોંચાડવી મુશ્કેલ બનતી હોવાથી જાનહાનિનું જોખમ ઊભું થાય છે. દર વર્ષે જૂન મહિનાથી દરિયો તોફાની બનતો હોવાથી મત્સ્યોદ્યોગ વિભાગ અને પોર્ટ અધિકારીઓ દ્વારા પણ આ સમયગાળા દરમિયાન માછીમારી માટે પરવાનગી આપવામાં આવતી નથી.

તેમ છતાં કેટલાક માછીમારો અનધિકૃત રીતે દરિયામાં જતા હોવાની શક્યતાને ધ્યાનમાં રાખીને સુરક્ષાના હિતમાં આ પ્રતિબંધાત્મક આદેશ જારી કરવામાં આવ્યો છે.

જાહેરનામા મુજબ

  • 15 ઓગસ્ટ સુધી જામનગર જિલ્લાના દરિયાકાંઠા અને ક્રીક વિસ્તારમાં કોઈપણ માછીમાર અથવા અન્ય વ્યક્તિ દરિયામાં પ્રવેશ કરી શકશે નહીં.
  • માછીમારી તેમજ અન્ય કોઈપણ હેતુસર બોટોની અવરજવર પર પ્રતિબંધ રહેશે.

આ પ્રતિબંધમાંથી મુક્તિ

નીચેના કિસ્સાઓમાં જાહેરનામું લાગુ પડશે નહીં:

  • પોર્ટ પર આવતા વ્યાપારી જહાજો
  • લશ્કરી અને અર્ધલશ્કરી દળો
  • પોલીસ દળોની બોટો
  • ગુજરાત મેરિટાઇમ બોર્ડની બોટો
  • સક્ષમ અધિકારીની મંજૂરી ધરાવતી પેસેન્જર બોટો
  • નોન-મોટરાઇઝ્ડ ક્રાફ્ટ (લાકડાની બિન-યાંત્રિક હોડી અને શઢવાળી હોડી)
  • પગડિયા માછીમારો

નિયમનો ભંગ કરનાર સામે કાર્યવાહી

જાહેરનામાનો ભંગ કરનાર વ્યક્તિ સામે ભારતીય ન્યાય સંહિતા (BNS), 2023ની કલમ-223 હેઠળ કાયદેસરની કાર્યવાહી કરવામાં આવશે.

જિલ્લા વહીવટીતંત્રે તમામ માછીમારો અને નાગરિકોને પોતાની તથા અન્યની સુરક્ષાને ધ્યાનમાં રાખીને જાહેરનામાનું ચુસ્ત પાલન કરવાની અપીલ કરી છે.

આ સમાચાર શેર કરો:
સમય સંદેશ મેનુ