પાછા મુખ્ય સમાચાર પર
મારું શહેર
૧૯ વાર જોવાયેલ
•
એક કલાક પેહલા
મારું શહેર જામકંડોરણા નજીક વાડીની ઓરડીમાં જુગાર રમતા 7 શખ્સ ઝડપાયા, ₹2.73 લાખનો મુદ્દામાલ જપ્ત.
રાજકોટ ગ્રામ્ય જિલ્લાના જામકંડોરણા પોલીસ સ્ટેશન વિસ્તારના થોરડી ગામથી રામપર રોડ પર આવેલી એક વાડીની ઓરડીમાં ચાલી રહેલા જુગારધામ પર રાજકોટ રેન્જ ટીમે દરોડો પાડી 7 શખ્સોને ઝડપી પાડ્યા છે.
દરોડા દરમિયાન પોલીસે રોકડા રૂપિયા ₹1,28,300, મોબાઇલ ફોન તેમજ વાહનો સહિત કુલ ₹2,73,300નો મુદ્દામાલ કબજે કર્યો હતો.
પોલીસે આરોપીઓની અટકાયત કરી તેમની સામે જુગારધારા હેઠળ ગુનો નોંધી આગળની કાયદેસરની કાર્યવાહી હાથ ધરી છે.
રાજકોટ રેન્જ પોલીસ દ્વારા જિલ્લામાં ગેરકાયદે પ્રવૃત્તિઓ સામે સતત કાર્યવાહી કરવામાં આવી રહી છે. પોલીસનું કહેવું છે કે જુગાર અને અન્ય અસામાજિક પ્રવૃત્તિઓ સામે આવી કાર્યવાહી આગામી સમયમાં પણ યથાવત રહેશે.
આ સમાચાર શેર કરો: