મારું શહેર ભાણવડમાં ગૌશાળા નજીકથી રિક્ષામાં દેશી દારૂનો જથ્થો ઝડપાયો, ₹1.20 લાખનો મુદ્દામાલ કબજે.
ભાણવડ પોલીસ સ્ટેશન વિસ્તારમાં ગેરકાયદેસર દારૂની હેરાફેરી સામે પોલીસે કાર્યવાહી હાથ ધરી છે. શીવાગામની ગૌશાળા નજીક જાહેર રોડ પરથી પસાર થતી એક પેસેન્જર રિક્ષામાંથી દેશી પીવાના દારૂનો જથ્થો મળી આવ્યો હતો. પોલીસે કુલ રૂ.1.20 લાખનો મુદ્દામાલ કબજે કરી કાયદેસરની કાર્યવાહી હાથ ધરી છે.
પોલીસને મળેલી બાતમીના આધારે શીવાગામની ગૌશાળા પાસે જાહેર રોડ પર વોચ ગોઠવવામાં આવી હતી. દરમિયાન શંકાસ્પદ પેસેન્જર રિક્ષાની તપાસ કરવામાં આવતા તેમાંથી દેશી પીવાના દારૂનો જથ્થો મળી આવ્યો હતો.
પોલીસે દારૂનો જથ્થો તેમજ રિક્ષા સહિતનો મુદ્દામાલ કબજે કરી સમગ્ર મામલે તપાસ શરૂ કરી છે. દારૂનો જથ્થો ક્યાંથી લાવવામાં આવ્યો હતો અને કોને પહોંચાડવાનો હતો તે અંગે પણ પોલીસ દ્વારા તપાસ હાથ ધરવામાં આવી રહી છે.
ભાણવડ પોલીસની આ કાર્યવાહીને પગલે દારૂની ગેરકાયદેસર હેરાફેરી કરતા તત્વોમાં ફફડાટ ફેલાયો છે. પોલીસ દ્વારા પ્રોહિબિશનના ગુનામાં આગળની કાયદેસરની કાર્યવાહી હાથ ધરવામાં આવી છે.
