જાહેરાત
તાજા સમાચાર
અમદાવાદમાં અમિત શાહના હસ્તે ₹1,400 કરોડથી વધુના 30 વિકાસ પ્રકલ્પોનું લોકાર્પણ અને ખાતમુહૂર્ત: 9 હજારથી વધુ પરિવારોને મળશે પાકા મકાનો. | સુરતમાં નાયબ મુખ્યમંત્રી હર્ષ સંઘવીની ઉપસ્થિતિમાં દીપાવલી અને વિક્રમ સંવત ૨૦૮૩ના નૂતન વર્ષનો સ્નેહમિલન સમારોહ યોજાયો. | દિવાળી બાદ અમદાવાદમાં વાયુ પ્રદૂષણનો પ્રકોપ: 17 વિસ્તારોમાં AQI 200ને પાર, થલતેજ સૌથી વધુ પ્રદૂષિત. | કાળી ચૌદશે દેવભૂમિ દ્વારકાના કજુરડા-વિજયનગરના સ્મશાનમાં યોજાયો ‘જ્યોત જલાવો, ભૂત ભગાવો’ કાર્યક્રમ. | ભાણવડના શિવ બળદ આશ્રમમાં અનોખી દિવાળીની ઉજવણી: દાતાઓના સહયોગથી અશક્ત અને નિરાધાર બળદોને પૌષ્ટિક ખોળ ખવડાવી જીવદયાનો સંદેશ. | ગુજરાતમાં ભ્રષ્ટાચારનો ચોંકાવનારો ચહેરો: એક વર્ષમાં 152 સરકારી કર્મચારીઓ લાંચ લેતા ઝડપાયા, રૂ. 13 કરોડની લાંચનો ખુલાસો. | મીની મથુરા માધવપુર ઘેડમાં ભાઈબીજના પર્વે ઉમટશે શ્રદ્ધાળુઓનો મહેરામણ. | મીની મથુરા માધવપુર ઘેડમાં ભાઈબીજના પર્વે ઉમટશે શ્રદ્ધાળુઓનો મહેરામણ. | માધવપુર SBI બેંકમાં નવી ચલણી નોટોની અછતથી ગ્રાહકોમાં નારાજગી: દિવાળીના તહેવારમાં નવી નોટો માટે લોકોની માંગ તેજ. | ગીરના જંગલમાં વધુ 100 જીપ્સી ઉમેરવાની કવાયત સામે વિરોધ: વન્યજીવોની સુરક્ષા અને પર્યાવરણ પર વધતા પ્રવાસન ભારણ અંગે ચિંતા. |
પાછા મુખ્ય સમાચાર પર
ક્રાઇમ ૧૬૪ વાર જોવાયેલ • 4 મહિના પેહલા

ક્રાઇમ બોટાદ એસટી બસ સ્ટેન્ડ પાસે એન્ટી નાર્કોટિક્સ ટાસ્ક ફોર્સનો સપાટો: 22.80 ગ્રામ અફીણ સાથે યુવક ઝડપાયો, NDPS હેઠળ ગુનો નોંધાયો.

બોટાદ એસટી બસ સ્ટેન્ડ પાસે એન્ટી નાર્કોટિક્સ ટાસ્ક ફોર્સનો સપાટો: 22.80 ગ્રામ અફીણ સાથે યુવક ઝડપાયો, NDPS હેઠળ ગુનો નોંધાયો.

ગુજરાતમાં નશીલા પદાર્થોના ગેરકાયદે વેપાર સામે ચાલી રહેલી ઝુંબેશ વચ્ચે એન્ટી નાર્કોટિક્સ ટાસ્ક ફોર્સ (A.N.T.F.), રાજકોટ ઝોન, સી.આઈ.ડી. ક્રાઈમને વધુ એક મહત્વપૂર્ણ સફળતા મળી છે. બોટાદ ટાઉન એસટી બસ સ્ટેન્ડ નજીકથી પોલીસે 22.80 ગ્રામ અફીણ સાથે એક આરોપીની ધરપકડ કરી છે. પોલીસે આરોપી પાસેથી અફીણ ઉપરાંત મોબાઇલ ફોન મળી કુલ રૂ. 16,400નો મુદ્દામાલ કબ્જે કરી એન.ડી.પી.એસ. એક્ટ હેઠળ ગુનો નોંધી વધુ તપાસ હાથ ધરી છે.

પ્રાપ્ત માહિતી અનુસાર પોલીસ અધિક્ષક લોકેશ યાદવના માર્ગદર્શન હેઠળ એ.એન.ટી.એફ., રાજકોટ ઝોનના પોલીસ ઇન્સ્પેક્ટર જે.જે. ચૌહાણ, પોલીસ સબ ઇન્સ્પેક્ટર કે.એમ. મેહતા, એમ.એચ. ચૌહાણ, એ.એસ.આઈ. શુભાષભાઈ ડાંગર તેમજ ટીમના અન્ય અધિકારીઓ અને કર્મચારીઓ ખાનગી બાતમીના આધારે બોટાદ ટાઉન એસટી બસ સ્ટેન્ડ વિસ્તારમાં વોચ ગોઠવી હતી. બાતમી હતી કે એક વ્યક્તિ અફીણની હેરાફેરી કરવા માટે ત્યાં આવવાનો છે.

બાતમીને આધારે પોલીસે શંકાસ્પદ વ્યક્તિને રોકી કાયદેસરની કાર્યવાહી મુજબ તેની તપાસ હાથ ધરી હતી. તપાસ દરમિયાન તેના કબજામાંથી કુલ 22.80 ગ્રામ અફીણ મળી આવ્યું હતું. પોલીસે સ્થળ પર જ આરોપીની ધરપકડ કરી નશીલા પદાર્થો તથા અન્ય મુદ્દામાલ કબ્જે કરીને પંચનામાની કાર્યવાહી પૂર્ણ કરી હતી.

ઝડપાયેલા આરોપીની ઓળખ વિજય બાબુભાઈ ભટ્ટી (ઉંમર 21), રહે. નંદન રેસિડેન્સી, જલારામ મંદિર પાસે, ચોટીલા, જિલ્લા સુરેન્દ્રનગર તરીકે થઈ છે. પોલીસ તપાસમાં અન્ય ત્રણ વ્યક્તિઓની પણ સંડોવણી સામે આવતાં જયરાજ ચાવડા, આંકડીયા-તુરખા ગામ વિસ્તારના રહેવાસી તેમજ 8490008853 અને 7861868251 મોબાઇલ નંબરનો ઉપયોગ કરનાર બે અજાણ્યા વ્યક્તિઓને પણ આરોપી તરીકે દર્શાવવામાં આવ્યા છે.

આ સમગ્ર મામલે એ.એન.ટી.એફ.ના પોલીસ ઇન્સ્પેક્ટર જે.જે. ચૌહાણની ફરિયાદના આધારે આરોપીઓ સામે એન.ડી.પી.એસ. એક્ટ, 1985ની કલમ 8(સી), 17(બ) અને 29 હેઠળ ગુનો નોંધવામાં આવ્યો છે. પોલીસે આરોપી પાસેથી રૂ. 11,400ની કિંમતનું 22.80 ગ્રામ અફીણ તથા રૂ. 5,000ની કિંમતનો એક મોબાઇલ ફોન મળી કુલ રૂ. 16,400નો મુદ્દામાલ જપ્ત કર્યો છે.

પ્રાથમિક તપાસમાં પોલીસે નશીલા પદાર્થનો સ્ત્રોત, તેનો સપ્લાય ચેઇન અને આ ગેરકાયદે નેટવર્કમાં અન્ય કોણ-કોણ સંડોવાયેલું છે તે દિશામાં તપાસ શરૂ કરી છે. ઉપરાંત ફરિયાદમાં દર્શાવવામાં આવેલા અન્ય આરોપીઓની શોધખોળ માટે પણ અલગ-અલગ ટીમોને કામે લગાડવામાં આવી છે.

રાજ્યમાં નશીલા પદાર્થોની હેરાફેરી સામે કડક કાર્યવાહી કરવાની નીતિના ભાગરૂપે એન્ટી નાર્કોટિક્સ ટાસ્ક ફોર્સ સતત બાતમીના આધારે દરોડા પાડી રહી છે. હાલ આ કેસની વધુ તપાસ બોટાદ પોલીસ સ્ટેશનને સોંપવામાં આવી છે, જ્યાંથી સમગ્ર નેટવર્કનો પર્દાફાશ કરવા તેમજ અન્ય સંડોવાયેલા આરોપીઓને ઝડપી પાડવા માટે કાયદેસરની કાર્યવાહી આગળ વધારવામાં આવી રહી છે.

આ સમાચાર શેર કરો:
સમય સંદેશ મેનુ