જાહેરાત
તાજા સમાચાર
અમદાવાદમાં અમિત શાહના હસ્તે ₹1,400 કરોડથી વધુના 30 વિકાસ પ્રકલ્પોનું લોકાર્પણ અને ખાતમુહૂર્ત: 9 હજારથી વધુ પરિવારોને મળશે પાકા મકાનો. | સુરતમાં નાયબ મુખ્યમંત્રી હર્ષ સંઘવીની ઉપસ્થિતિમાં દીપાવલી અને વિક્રમ સંવત ૨૦૮૩ના નૂતન વર્ષનો સ્નેહમિલન સમારોહ યોજાયો. | દિવાળી બાદ અમદાવાદમાં વાયુ પ્રદૂષણનો પ્રકોપ: 17 વિસ્તારોમાં AQI 200ને પાર, થલતેજ સૌથી વધુ પ્રદૂષિત. | કાળી ચૌદશે દેવભૂમિ દ્વારકાના કજુરડા-વિજયનગરના સ્મશાનમાં યોજાયો ‘જ્યોત જલાવો, ભૂત ભગાવો’ કાર્યક્રમ. | ભાણવડના શિવ બળદ આશ્રમમાં અનોખી દિવાળીની ઉજવણી: દાતાઓના સહયોગથી અશક્ત અને નિરાધાર બળદોને પૌષ્ટિક ખોળ ખવડાવી જીવદયાનો સંદેશ. | ગુજરાતમાં ભ્રષ્ટાચારનો ચોંકાવનારો ચહેરો: એક વર્ષમાં 152 સરકારી કર્મચારીઓ લાંચ લેતા ઝડપાયા, રૂ. 13 કરોડની લાંચનો ખુલાસો. | મીની મથુરા માધવપુર ઘેડમાં ભાઈબીજના પર્વે ઉમટશે શ્રદ્ધાળુઓનો મહેરામણ. | મીની મથુરા માધવપુર ઘેડમાં ભાઈબીજના પર્વે ઉમટશે શ્રદ્ધાળુઓનો મહેરામણ. | માધવપુર SBI બેંકમાં નવી ચલણી નોટોની અછતથી ગ્રાહકોમાં નારાજગી: દિવાળીના તહેવારમાં નવી નોટો માટે લોકોની માંગ તેજ. | ગીરના જંગલમાં વધુ 100 જીપ્સી ઉમેરવાની કવાયત સામે વિરોધ: વન્યજીવોની સુરક્ષા અને પર્યાવરણ પર વધતા પ્રવાસન ભારણ અંગે ચિંતા. |
પાછા મુખ્ય સમાચાર પર
ક્રાઇમ ૧૨૦ વાર જોવાયેલ • 4 મહિના પેહલા

ક્રાઇમ જામનગરના ફિયોનિકા સોસાયટી હત્યા કેસમાં નવો વળાંક: 80 વર્ષીય આહીર વૃદ્ધની હત્યાના આરોપીને બે દિવસના પોલીસ રિમાન્ડ.

જામનગરના ફિયોનિકા સોસાયટી હત્યા કેસમાં નવો વળાંક: 80 વર્ષીય આહીર વૃદ્ધની હત્યાના આરોપીને બે દિવસના પોલીસ રિમાન્ડ.

જામનગર શહેરના શરૂ સેકશન રોડ પર આવેલી ફિયોનિકા સોસાયટીમાં 80 વર્ષીય આહીર વૃદ્ધની નિર્દયતાપૂર્વક હત્યાના ચકચારી કેસમાં ઝડપાયેલા આરોપીને કોર્ટે બે દિવસના પોલીસ રિમાન્ડ પર સોંપવાનો હુકમ કર્યો છે. પોલીસ હવે રિમાન્ડ દરમિયાન હત્યા પાછળના ચોક્કસ કારણો, આરોપીની માનસિક સ્થિતિ તેમજ ઘટનાની વધુ વિગતો મેળવવા માટે સઘન પૂછપરછ કરશે.

ખાટલા પર સુતેલા વૃદ્ધ પર જીવલેણ હુમલો

જામનગરના ફિયોનિકા સોસાયટીમાં રહેતા દેવાયતભાઈ રામશીભાઈ વરોતરીયા (ઉંમર 80 વર્ષ) પોતાના ઘરના ફળિયામાં ખાટલા પર આરામ કરી રહ્યા હતા ત્યારે તેમના પર જીવલેણ હુમલો કરવામાં આવ્યો હતો. હુમલાખોરે છરીના ઘા ઝીંકી તેમને ગંભીર રીતે ઇજાગ્રસ્ત કર્યા હતા. લોહીલુહાણ હાલતમાં દેવાયતભાઈને બચાવવાના પ્રયાસો છતાં તેમનું મોત નિપજ્યું આ બનાવ બાદ સમગ્ર વિસ્તારમાં ભારે ચકચાર મચી ગઈ હતી અને સ્થાનિક લોકોમાં પણ રોષ જોવા મળ્યો 

પૌત્રની ફરિયાદના આધારે આરોપી સામે ગુનો નોંધાયો

આ ઘટનાને પગલે મૃતકના પૌત્ર રાજુભાઈ વરોતરીયાએ વિસ્તારમાં જ રહેતા સાગર મારખીભાઈ વસરા સામે પોલીસ ફરિયાદ નોંધાવી ફરિયાદના આધારે પોલીસે હત્યાનો ગુનો નોંધી આરોપીની શોધખોળ શરૂ કરી.

જૂના મનદુઃખે લીધો હત્યાનો સ્વરૂપ

પોલીસ તપાસમાં સામે આવેલી વિગતો મુજબ, આરોપી સાગર વસરા અને મૃતક દેવાયતભાઈ વચ્ચે અગાઉ મજાક-મસ્તી જેવી સામાન્ય બાબતે બોલાચાલી થઈ હતી. બાદમાં મામલો શાંત પડી ગયો હતો, પરંતુ આરોપીએ આ ઘટનાનું મનદુઃખ રાખ્યું હોવાનું તપાસમાં સામે આવ્યું .આ જ મનદુઃખના કારણે આરોપી છરી લઈને દેવાયતભાઈના ઘરે પહોંચ્યો હતો અને ફળિયામાં નિરાંતે સૂતા વૃદ્ધ પર અચાનક હુમલો કરી દીધો હતો. સતત છરીના ઘા ઝીંકીને તેમને મોતને ઘાટ ઉતાર્યાનો આરોપ લગાડ્યો 

હોસ્પિટલમાંથી રજા મળતા જ પોલીસે ઝડપી લીધો

હત્યાની ઘટના બાદ આરોપી પોતે પણ સારવાર માટે હોસ્પિટલમાં દાખલ થયો હતો. સારવાર પૂર્ણ થયા બાદ હોસ્પિટલમાંથી રજા મળતાં જ પોલીસે તેને કસ્ટડીમાં લઈ લીધો . પોલીસે આરોપીની પૂછપરછ દરમિયાન હત્યામાં ઉપયોગમાં લેવાયેલી છરી પણ કબજે કરી લીધી છે, જે કેસમાં મહત્વના પુરાવા તરીકે ગણવામાં આવી રહી . 

બે દિવસના રિમાન્ડ મંજૂર

આરોપીને કોર્ટમાં રજૂ કરતાં તપાસ અધિકારીઓએ વધુ પૂછપરછ માટે પોલીસ રિમાન્ડની માંગ કરી હતી. કોર્ટે દલીલો સાંભળ્યા બાદ આરોપીને 27 જૂન સુધીના બે દિવસના પોલીસ રિમાન્ડ પર સોંપવાનો હુકમ કર્યો . 

રિમાન્ડ દરમિયાન અનેક મુદ્દાઓની થશે તપાસ

પોલીસ હવે રિમાન્ડ દરમિયાન નીચેના મુદ્દાઓ અંગે વિગતવાર તપાસ કરશે:

  • હત્યાનું ચોક્કસ કારણ અને પૂર્વ આયોજન હતું કે નહીં.
  • આરોપી અને મૃતક વચ્ચે અગાઉ થયેલા વિવાદની સંપૂર્ણ હકીકત.
  • હત્યા સમયે અન્ય કોઈ વ્યક્તિ સંડોવાયેલ હતી કે નહીં.
  • ઘટનાક્રમ દરમિયાન આરોપીની હિલચાલ અને પુરાવાઓનું વૈજ્ઞાનિક વિશ્લેષણ.
  • હત્યામાં ઉપયોગમાં લેવાયેલા હથિયાર અંગે વધુ વિગતો.

વિસ્તારમાં હજુ પણ શોકનો માહોલ

80 વર્ષીય વૃદ્ધની આ કરપીણ હત્યાએ ફિયોનિકા સોસાયટી સહિત સમગ્ર જામનગર શહેરમાં શોક અને ચિંતાનો માહોલ સર્જ્યો છે. સ્થાનિક રહેવાસીઓએ વૃદ્ધની હત્યાને અત્યંત દુઃખદ ગણાવી આરોપી સામે કડક કાયદેસરની કાર્યવાહી કરવાની માંગ કરી છે.

હાલ પોલીસે કેસની તપાસ આગળ ધપાવી છે અને રિમાન્ડ દરમિયાન મળનારી માહિતીના આધારે આગળની કાયદેસરની કાર્યવાહી હાથ ધરવામાં આવશે.

આ સમાચાર શેર કરો:
સમય સંદેશ મેનુ