મારું શહેર જોડિયા તાલુકાના કેશિયા રોડ પરના કોઝવેનું તાત્કાલિક રિપેરિંગ પૂર્ણ, ચોમાસામાં વાહનવ્યવહાર વધુ સુરક્ષિત બન્યો.

જામનગર, તા. 30 જુલાઈ: ચોમાસા દરમિયાન માર્ગ વ્યવસ્થા સુચારુ રહે અને વાહનચાલકોને કોઈ મુશ્કેલી ન પડે તે માટે માર્ગ અને મકાન વિભાગ દ્વારા પ્રિ-મોન્સૂન કામગીરી અંતર્ગત જોડિયા તાલુકાના કેશિયા ટુ સ્ટેટ હાઈવે રોડ પર આવેલા કોઝવેનું તાત્કાલિક રિપેરિંગ સફળતાપૂર્વક પૂર્ણ કરવામાં આવ્યું છે. આ કામગીરીથી વરસાદી મોસમમાં આ માર્ગ પર વાહનવ્યવહાર વધુ સુરક્ષિત અને સુગમ બન્યો છે.

માર્ગ અને મકાન વિભાગના જણાવ્યા મુજબ, આ કોઝવે 900 મીમી વ્યાસના 10 રો (Rows)ના પાઇપો ધરાવે છે. તાજેતરના વરસાદ દરમિયાન ભારે પાણીના પ્રવાહને કારણે કોઝવેના ડાઉનસ્ટ્રીમ વિસ્તારમાં ધોવાણ સર્જાયું હતું, જેના કારણે ભવિષ્યમાં માર્ગ સલામતી પર અસર થવાની શક્યતા હતી.

પ્રિ-મોન્સૂન નિરીક્ષણ દરમિયાન સમસ્યા ધ્યાને આવી

વિભાગ દ્વારા ચોમાસા પહેલાં કરવામાં આવેલા નિયમિત પ્રિ-મોન્સૂન ઇન્સ્પેક્શન દરમિયાન આ ધોવાણની સ્થિતિ સામે આવતા અધિકારીઓએ વિલંબ કર્યા વિના સ્થળ પર જરૂરી કાર્યવાહી શરૂ કરી હતી.

તાત્કાલિક ધોરણે કોંક્રીટની મજબૂત રક્ષણાત્મક કામગીરી હાથ ધરવામાં આવી હતી, જેના પરિણામે કોઝવેનું નુકસાનગ્રસ્ત સ્થળ મજબૂત બનાવવામાં આવ્યું અને સમગ્ર રિપેરિંગ કામગીરી સફળતાપૂર્વક પૂર્ણ કરવામાં આવી.

સલામતી અને ટકાઉપણામાં વધારો

વિભાગના જણાવ્યા અનુસાર આ સમારકામ બાદ કોઝવેની મજબૂતાઈ, સલામતી અને ટકાઉપણામાં નોંધપાત્ર વધારો થયો છે. હવે ભારે વરસાદ દરમિયાન પણ પાણીના પ્રવાહ સામે કોઝવે વધુ સુરક્ષિત રહેશે અને વાહનચાલકો માટે અવરજવર સરળ બનશે.

ચોમાસા દરમિયાન સતત દેખરેખ

માર્ગ અને મકાન વિભાગે જણાવ્યું છે કે સમગ્ર જિલ્લામાં ચોમાસાની ઋતુ દરમિયાન માર્ગો, કોઝવે, પુલ અને અન્ય જાહેર માર્ગ માળખાઓ પર સતત નજર રાખવામાં આવી રહી છે. જ્યાં પણ નુકસાન અથવા ધોવાણ જોવા મળશે ત્યાં તાત્કાલિક સમારકામ હાથ ધરવામાં આવશે, જેથી નાગરિકોને અવરજવરમાં કોઈ અગવડતા ન પડે.

વિભાગ દ્વારા માર્ગોની નિયમિત દેખરેખ અને સમયસર જાળવણીની કામગીરી સતત ચાલુ રાખવામાં આવી રહી છે, જેથી વરસાદી મોસમ દરમિયાન માર્ગ વ્યવસ્થા સુરક્ષિત અને સુચારુ રહી શકે.