જાહેરાત
તાજા સમાચાર
દિલજીત દોસાંઝના કોન્સર્ટને પોલીસની મંજૂરી! સુરક્ષામાં 1200થી વધુ પોલીસકર્મીઓ તૈનાત | ગુજરાતમાં ઠંડીનું જોર વધશે! લઘુતમ તાપમાનમાં 2થી 3 ડિગ્રીનો ઘટાડો | PUC સર્ટિફિકેટના નિયમોમાં મોટો ફેરફાર! | પાકિસ્તાનમાં ભયાનક અકસ્માત! બસ અને LPG ટેન્કરની ટક્કર બાદ આગ, 10નાં મોત અને 27 ઘાયલ | એશિયન ગેમ્સની બ્રોન્ઝ મેડલ વિજેતા કિરણ બાલિયાન પર 8 વર્ષનો પ્રતિબંધ! | બંગાળની ખાડીમાં ચક્રવાતી તોફાન 'અકવાન'નો ખતરો! 100 કિમીની ઝડપે ફૂંકાશે પવન | ગુજરાતમાં વાહનો પર જાતિસૂચક સ્ટીકર લગાવ્યા તો નહીં ચાલે! નવા નિયમથી પ્રતિબંધ | સોના-ચાંદીના ભાવમાં મોટો કડાકો | ગુજરાત પોલીસમાં 2,900થી વધુ જગ્યાઓ પર મેગા ભરતીની જાહેરાત! | અમદાવાદમાં અમિત શાહના હસ્તે ₹1,400 કરોડથી વધુના 30 વિકાસ પ્રકલ્પોનું લોકાર્પણ અને ખાતમુહૂર્ત: 9 હજારથી વધુ પરિવારોને મળશે પાકા મકાનો. |
પાછા મુખ્ય સમાચાર પર
હેલ્થ ૧૭૫ વાર જોવાયેલ • 3 મહિના પેહલા

હેલ્થ મહુવામાં અન્ન-પુરવઠા વિભાગની સઘન તપાસઃ રૂ. 2.38 લાખનો બિનઅધિકૃત ઘઉંનો જથ્થો જપ્ત.

મહુવામાં અન્ન-પુરવઠા વિભાગની સઘન તપાસઃ રૂ. 2.38 લાખનો બિનઅધિકૃત ઘઉંનો જથ્થો જપ્ત.

ખાનગી ગોડાઉનમાંથી 8,500 કિલો ઘઉં ઝડપાયો; સરકારી સસ્તા અનાજની દુકાનમાં પણ સ્ટોકની મોટી ઘટ સામે આવી

રાજ્યમાં અનાજની ગેરકાયદેસર હેરફેર અને કાળાબજારી અટકાવવા માટે અન્ન અને નાગરિક પુરવઠા વિભાગ દ્વારા સઘન તપાસ હાથ ધરવામાં આવી રહી છે. આ અંતર્ગત 15 ઓગસ્ટ, 2026ના રોજ ભાવનગર જિલ્લાના મહુવા તાલુકામાં ગાંધીનગરથી આવેલી ટીમે આકસ્મિક તપાસ હાથ ધરી હતી.

તપાસ દરમિયાન મહુવા તાલુકાના ડાયમંડ નગર, GIDC પાછળ આવેલા એક ખાનગી ગોડાઉનમાંથી બિનઅધિકૃત રીતે સંગ્રહિત 8,500 કિલો ઘઉંનો જથ્થો મળી આવ્યો હતો. આ ઘઉંની અંદાજિત કિંમત રૂ. 2.38 લાખ હોવાનું સામે આવ્યું છે. તપાસ ટીમે સમગ્ર જથ્થો જપ્ત કરી આગળની કાર્યવાહી હાથ ધરી છે.

 

ઘઉંનો જથ્થો ક્યાંથી આવ્યો? તપાસ શરૂ

પ્રાથમિક તપાસમાં જપ્ત કરાયેલ ઘઉંનો જથ્થો ક્યાંથી આવ્યો હતો અને તેની વાસ્તવિક માલિકી કોની છે તે અંગે અન્ન અને નાગરિક પુરવઠા વિભાગ દ્વારા સઘન તપાસ હાથ ધરવામાં આવી છે.

ગેરકાયદેસર રીતે અનાજનો સંગ્રહ કે હેરફેર કરવામાં આવી છે કે કેમ તે અંગે પણ તપાસ કરવામાં આવી રહી છે.

સરકારી વાજબી ભાવની દુકાનમાં પણ સ્ટોકની ઘટ

ગાંધીનગરની ટીમ દ્વારા મહુવા તાલુકાના ભાદ્રોડ ગામે પ્રફુલભાઈ રામજીભાઈ વાઘ દ્વારા સંચાલિત સરકારી વાજબી ભાવની દુકાનની પણ ચકાસણી કરવામાં આવી હતી.

દુકાનના ઉપલબ્ધ સ્ટોક અને સરકારી રેકર્ડની ખરાઈ કરતાં વિવિધ અનાજમાં નોંધપાત્ર ઘટ સામે આવી હતી.

  • ઘઉં: 1,382.500 કિલોની ઘટ
  • ચોખા: 2,581 કિલોની ઘટ
  • ખાંડ: 89.900 કિલોની ઘટ

આમ, એક તરફ ખાનગી ગોડાઉનમાંથી બિનઅધિકૃત ઘઉંનો મોટો જથ્થો મળી આવ્યો છે, જ્યારે બીજી તરફ સરકારી વાજબી ભાવની દુકાનમાં પણ ઘઉં, ચોખા અને ખાંડના સ્ટોકમાં ઘટ નોંધાઈ છે.

 

 

કાળાબજારી કરનારા તત્વોમાં ફફડાટ

અન્ન અને નાગરિક પુરવઠા વિભાગની આકસ્મિક તપાસથી અનાજની ગેરકાયદેસર હેરફેર અને કાળાબજારી કરતા તત્વોમાં ફફડાટ ફેલાયો છે. વિભાગ દ્વારા આગળ પણ આવી તપાસ ચાલુ રાખવામાં આવે તેવી શક્યતા છે.

આ સમાચાર શેર કરો:
સમય સંદેશ મેનુ